بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى بويىنشا ەڭبەك جانە الەۋمەتتىك قورعاۋ كوميتەتى دەپارتامەنتى باسشىسىنىڭ ورىنباسارى ريمما قاسىموۆا مالىمدەدى، دەپ حابارلايدى aqshamnews.kz
دەپارتامەنت 15 مەملەكەتتىك قىزمەت كورسەتەدى، ونىڭ ىشىندە زەينەتاقى جانە الەۋمەتتىك تولەمدەردىڭ 30-دان استام ءتۇرى، سونداي-اق مۇگەدەكتىكتى بەلگىلەۋ بويىنشا 1 قىزمەت.
«2024 جىلدىڭ شىلدەسىنەن باستاپ دەپارتامەنت قۇرىلىمىنىڭ وزگەرۋىنە بايلانىستى 4 اۋدانارالىق ءبولىم جانە 1 بالالار ءبولىمى مەديسينالىق-الەۋمەتتىك ساراپتاما جۇرگىزۋدە»، - دەدى ر.قاسىموۆا.
ماسەلەن، 2024 جىلدىڭ 7 ايىندا 14 283 قىزمەت كورسەتىلدى، ونىڭ ىشىندە العاشقى كۋالاندىرۋدان - 3 314، قايتا كۋالاندىرۋدان - 10 969.
الماتىدا بارلىعى 59 830 مۇمكىندىگى شەكتەۋلى ادام تۇرادى، ونىڭ 50% - ى ەڭبەككە قابىلەتتى جاستا.
وكق سپيكەرى ناقتىلاعانداي، ەسەپتى كەزەڭدە حالىقتى الەۋمەتتىك قورعاۋ سالاسىنداعى باقىلاۋ ءبولىمى «ق ر الەۋمەتتىك كودەكسىنىڭ» ساقتالۋىنا 104 نىساندى تەكسەردى. تەكسەرۋ بارىسىندا 153 بۇزۋشىلىق انىقتالىپ، جالپى سوماسى 1 846 000 تەڭگە بولاتىن 10 اكىمشىلىك حاتتاما جاسالدى.