ادامداردىڭ وزگەلەردەن ەرەكشەلەنۋگە دەگەن ۇمتىلىسى ايتارلىقتاي تومەندەگەن

الەۋمەتتانۋداعى ماڭىزدى زەرتتەۋ ناتيجەسى وسىنى كورسەتكەن، دەپ حابارلايدى aqshamnews.kz Islam.kz-كە سىلتەمە جاساپ.

بۇل تەندەنسيا ءوز كەزەگىندە قوعامنىڭ تۇلعاسىزدانۋىنا (ادامداردىڭ تۇلعالىق قاسيەتتەن ادا بولۋىنا) اكەلۋى مۇمكىن، دەپ ەسەپتەيدى بۇل باعىتتاعى زەرتتەۋگە اتسالىسقان عالىمدار.

ميلليوننان استام ادام ءۇش كورسەتكىش بويىنشا تەست تاپسىردى: باسقالاردىڭ پىكىرىنە اۋەس بولۋ، جالپى قابىلدانعان ەرەجەلەردى بۇزۋعا ۇمتىلۋ جانە ءوز سەنىمىن كوپشىلىك الدىندا قورعاۋعا دايىن بولۋ. بۇل تاراپتاعى تەست ناتيجەلەرى تابانى كۇرەكتەي 20 جىل بويى، دالىرەگى، 2000 جىلدان 2020 جىلعا دەيىن جينالدى.

بەلگىلى بولعانداي، وسى ۋاقىت ىشىندە ادامدار ءۇشىن ءۇش اسپەكتىنىڭ دە ماڭىزدىلىعى كەمىپ كەتكەن. ءوز پىكىرىن قورعاۋعا دەگەن ىنتا ەڭ كوپ تومەندەگەن – 6،52%-عا دەيىن. 

پسيحولوگتەردىڭ پىكىرىنشە، وسى كۇنگى ادامداردىڭ بىرەگەي بولۋعا، ياعني، ءوزىن وزگەلەردەن ەرەكشەلەپ كورسەتۋگە ىنتا-ىقىلاسى ولاردىڭ قوعامعا بەيىمدەلۋىنە كەدەرگى كەلتىرەدى، دەپ ەسەپتەيدى. بۇل تەندەنسيانىڭ كەرى جاعى: ادامنىڭ ءوز ومىرىنە كوڭىلى تولماي، سۇلەسوق عۇمىر كەشۋى مۇمكىن. سالدارىنان قوعامعا تيگىزەر پايداسى دا كەميدى.