الماتىدا جىل باسىنان بەرى بوس ورىندار جارمەڭكەسىنىڭ قورىتىندىسى بويىنشا 34،1 مىڭ جاس جۇمىسقا ورنالاستى. وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى اكىمىنىڭ ورىنباسارى ارمان قىرىقبايەۆ ايتىپ وتكەندەي، ونىڭ ىشىندە 27 مىڭنان استامى تۇراقتى جۇمىس ورىندارىنا، 6،4 مىڭى ۋاقىتشا جۇمىس ورىندارىنا ورنالاستىرىلعان.
مەگاپوليستىڭ بارلىق اۋداندارىندا جىل باسىنان بەرى 26 مىڭ ادامدى، ونىڭ ىشىندە NEET ساناتىنداعى جاستاردى قامتيتىن «مانساپ كۇندەرى» وتكىزىلدى. قالالىق مانساپ ورتالىعى 2،4 مىڭ ادامدى جۇمىسقا ورنالاستىرۋعا جاردەم كورسەتتى، دەپ حابارلايدى اlmaty-akshamy.kz.
سونىمەن قاتار، وزەكتى ماماندىقتار بويىنشا 30 قىسقا مەرزىمدى وقىتۋ كۋرسى ىسكە قوسىلدى. 10،2 مىڭ ادام وقۋدان ءوتتى، ونىڭ 9،2 مىڭى جۇمىسقا ورنالاستىرىلدى، ءبىر مىڭى تاعىلىمدامادان وتۋدە.
الماتىدا جاستارعا ارنالعان Jasalmaty.kz پورتالىندا ورنالاسقان جۇمىس ىزدەۋدىڭ ءبىرىڭعاي پلاتفورماسى Jobffir365 دەپ اتالادى.
«پلاتفورمانىڭ ەرەكشەلىگى - بۇل تەگىن نەگىزدە جۇمىس ىزدەپ قانا قويماي، سەرتيفيكات الا وتىرىپ، قىسقا مەرزىمدى كۋرستاردان ءوتۋ مۇمكىندىگى»، - دەپ اتاپ ءوتتى ا.قىرىقبايەۆ.
بۇگىنگى تاڭدا پلاتفورمانى 13،5 مىڭنان استام ادام پايدالاندى، 3،7 مىڭ بوس جۇمىس ورنى ورنالاستىرىلدى جانە 1،5 مىڭ جۇمىس بەرۋشى تىركەلدى. 1،8 مىڭ ادام جۇمىسقا ورنالاستىرىلدى.
اكىمنىڭ ورىنباسارى ءوز سوزىندە اتاپ وتكەندەي، سونىمەن قاتار جاسوسپىرىمدەر مەن جاستاردىڭ بوس ۋاقىتىن قامتاماسىز ەتۋ بويىنشا جۇمىستار جۇرگىزىلۋدە. 2023 جىلى 8 جاستار كومۋنيتي-ورتالىعى ىسكە قوسىلادى. 2025 جىلدىڭ سوڭىنا دەيىن ولاردىڭ سانى 16-عا دەيىن جەتكىزىلەدى.
«بولاشاقتا ورتالىقتار تارتىمدى ورىنعا اينالادى، NEET ساناتىمەن جۇمىستى جاڭا دەڭگەيگە شىعارادى، ولاردىڭ جەكە ەسەبىن جۇرگىزۋگە مۇمكىندىك بەرەدى. جوعارىدا اتالعان شارالار كەشەنى NEET جاستارىنىڭ ۇلەسىن 2023 جىلدىڭ 11 ايىندا 8،3% - دان 7،3% - عا دەيىن تومەندەتۋگە مۇمكىندىك بەردى. اعىمداعى جىلدىڭ سوڭىنا قاراي 7% - عا دەيىن، 2025 جىلدىڭ سوڭىنا قاراي 5،2% - عا دەيىن جانە 2030 جىلدىڭ سوڭىنا قاراي 4% - عا دەيىن قىسقارتۋدى جوسپارلاپ وتىرمىز»، - دەپ اتاپ ءوتتى ا.قىرىقبايەۆ.