الماتىدا قالاداعى بارلىق مەكتەپتىڭ وقۋشىلارى مەن مۇعالىمدەرى 6 مىڭنان استام كوركەم ادەبيەت تۋىندىسىنا ەلەكتروندى جانە اۋديو فورماتتا قول جەتكىزدى. بۇل تۋرالى الماتى قالاسىنىڭ اكىمى ەربولات دوسايەۆ پەداگوگتەردىڭ قالالىق تامىز كەڭەسىندە مالىمدەدى، دەپ حابارلايدى aqshamnews.kz
شاھار باسشىسى الماتىدا سيفرلىق شەشىمدەر بالالارعا ارنالعان ءبىلىم بەرۋ مازمۇنىن ايتارلىقتاي وزگەرتەتىن جانە جاقسارتاتىن ءبىرقاتار جوبانىڭ جۇزەگە اسىپ جاتقانىن ايتتى.
«Kitap.kz جوباسى قالا مەكتەپتەرىنىڭ وقۋشىلارى مەن مۇعالىمدەرىنە ەلەكتروندى جانە اۋديو فورماتتاعى 6000-نان استام كوركەم ادەبيەت تۋىندىسىنا قولجەتىمدىلىكتى قامتاماسىز ەتەتىن بىرەگەي سيفرلىق كىتاپحانا رەتىندە ءوزىنىڭ تيىمدىلىگىن كورسەتتى»، - دەپ ەربولات دوسايەۆ سيفرلىق پلاتفورمالار جاڭا ءبىلىم بەرۋ باعدارلامالارىن ازىرلەۋدىڭ جانە ۇزدىكسىز وقىتۋعا جاعداي جاساۋدىڭ نەگىزگى قۇرالىنا اينالىپ وتىرعانىن جەتكىزدى.
ايتا كەتەيىك، الماتىدا 2024-2025 وقۋ جىلىنىڭ قارساڭىندا «Digital Kazakhstan: جاڭا زامانداعى ءبىلىم بەرۋ» تاقىرىبىندا پەداگوگتاردىڭ قالالىق تامىز ءسامميتى ءوتىپ جاتىر.
سامميت پەداگوگتەردىڭ كاسىبي دەڭگەيىن ارتتىرۋعا، ءبىلىم بەرۋ سالاسىنداعى وزىق تاجىريبە جانە جاڭا تەحنولوگيا الماسۋعا باعىتتالعان.