Fلماتىنىڭ ءبىلىم بەرۋ سالاسىنا ءتيىمدى شەتەلدىك يننوۆاسيالىق تاجىريبەنى ەنگىزۋ ءۇشىن بىلتىر 207 ديرەكتور، مەكتەپ، بالاباقشا ديرەكتورى مەن ورىنباسارى جانە ءبىلىم بەرۋ جۇيەسىنىڭ پەداگوگتارى ۇلىبريتانيادا، شۆەسيادا، فينليانديادا، ەستونيادا، سينگاپۋردا، جاپونيادا، رەسەيدە شەتەلدىك تاعىلىمدامادان، ال ەل ىشىندە 5700-دەن استام ادام تاعىلىمدامادان ءوتتى. بۇل تۋرالى قالا اكىمى ەربولات دوسايەۆ «Digital Kazakhstan: جاڭا زامانداعى ءبىلىم بەرۋ» اتتى پەداگوگتاردىڭ قالالىق تامىز ءسامميتى بارىسىندا حابارلادى.
ونىڭ ايتۋىنشا، شەتەلدىك يننوۆاسيالىق تاجىريبە نەگىزىندە الماتى پەداگوگتارى مەكتەپتەر ءۇشىن 117 باعدارلاما مەن جوبا جانە بالاباقشالار ءۇشىن 35 جوبا ازىرلەدى.
«ءمۇعالىم ءبىلىم بەرۋدەگى نەگىزگى بۋىن بولىپ قالا بەرەدى، سوندىقتان مۇعالىمدەردى قولداۋ باستى باسىمدىق»، – دەدى ەربولات دوسايەۆ.
ايتا كەتەيىك، الماتىدا 2024-2025 وقۋ جىلىنىڭ قارساڭىندا «Digital Kazakhstan: جاڭا زامانداعى ءبىلىم بەرۋ» تاقىرىبىندا پەداگوگتاردىڭ قالالىق تامىز ءسامميتى ءوتىپ جاتىر.