الماتىدا قالاداعى بارلىق مەكتەپ وقۋشىلارى قوسىلعان TopIQ.kz پلاتفورماسى ارقىلى «جەڭىل پورتفەل» جوباسى ءساتتى جۇزەگە استى. بۇل تۋرالى قالا اكىمى ەربولات دوسايەۆ ءبىلىم بەرۋ قىزمەتكەرلەرىنىڭ تامىز كەڭەسىندە مالىمدەدى، دەپ حابارلايدى aqshamnews.kz
ونىڭ ايتۋىنشا، سيفرلىق وقۋلىقتاردى ەنگىزۋ جاڭارتىلاتىن اقپاراتقا جىلدام قولجەتىمدىلىكتى قامتاماسىز ەتىپ، وقۋ ماتەريالىن ءتۇسىنۋدى جاقسارتاتىن ينتەراكتيۆتى ەلەمەنتتەردى قامتىدى جانە مەكتەپ پورتفەلىنىڭ فيزيكالىق سالماعىن ازايتتى.
ازىرلەۋشىلەردىڭ دامۋىنا كومەكتەسۋ ءۇشىن جاڭا وقۋ جىلىندا پيلوتتىق رەجيمدە جاڭا جوبانى – جاساندى ينتەللەكت نەگىزىندە ۆيرتۋالدى رەپەتيتوردى ەنگىزۋ جوسپارلانىپ وتىر، ول ءساتتى بولسا، جاپپاي قولدانىسقا ەنگىزۋ كوزدەلەدى، دەدى ەربولات دوسايەۆ.
سونداي-اق، بالاباقشا پەداگوگتەرى مەن اتا-انالاردى ادىستەمەلىك قولداۋ ءۇشىن قالالىق «AlmatyKids.kz» دامىتۋشى سيفرلىق كونتەنتى جاسالدى، وعان قالاداعى بارلىق بالاباقشا قوسىلعان.
ايتا كەتەيىك، الماتىدا 2024-2025 وقۋ جىلىنىڭ قارساڭىندا «Digital Kazakhstan: جاڭا زامانداعى ءبىلىم بەرۋ» تاقىرىبىندا پەداگوگتاردىڭ قالالىق تامىز ءسامميتى ءوتىپ جاتىر.
سامميت پەداگوگتەردىڭ كاسىبي دەڭگەيىن ارتتىرۋعا، ءبىلىم بەرۋ سالاسىنداعى وزىق تاجىريبە جانە جاڭا تەحنولوگيا الماسۋعا باعىتتالعان.