جەڭىل اقشانى جاقسى كورەتىندەر كۇندىزگى ۋاقىتتا جۇرگەن
الماتى پوليسيا دەپارتامەنتى قالاداعى 6 كولىكتى توناعان ادامدى ۇستاعاندارىن مالىمدەدى، دەپ حابارلايدى Almaty-akshamy.kz.
جەدەل تۇردە انىقتالعانداي، ولار از ۋاقىتتىڭ ىشىندە الماتىلىقتاردىڭ كولىكتەرىنەن التى رەت ۇرلىق جاساعان.
«47 جاستاعى قاسكويلەردىڭ التى ۇرلىعىنىڭ ۇشەۋى قالانىڭ الاتاۋ اۋدانىندا ورنالاسقان بازارلاردىڭ ءبىرىنىڭ اۆتوتۇراعىندا جاسالعان. ءبىر وقيعادا كۇدىكتىلەر Toyota Camry اۆتوكولىگىن قولدا بار قۇرالدارمەن اشىپ، سول جەردەن 1 ميلليون 200 مىڭ تەڭگە، نوۋتبۋك پەن كولىك يەسىنىڭ ۇيالى تەلەفونىن ۇرلاپ كەتكەن. كۇدىكتىلەر ناۋرىزباي اۋدانىنداعى جەكە سەكتوردا تاعى ەكى ۇرلىق جاساعان. جەڭىل اقشانى جاقسى كورەتىندەر كۇندىزگى ۋاقىتتا جۇرگەن. ءوتىپ بارا جاتقان ادامداردىڭ نازارىن اۋدارماۋعا تىرىسقان. دەگەنمەن، كەيبىر قىلمىستىق ەپيزودتار نازاردان تىس قالمادى: ولار بەينەباقىلاۋ جۇيەسىنە ءتۇسىپ قالعان»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
سپيكەردىڭ ايتۋىنشا، ۇرىلار كريمينالدىق پوليسيا باسقارماسى مەن ناۋرىزباي اۋداندىق پوليسيا باسقارماسى قىزمەتكەرلەرىنىڭ بىرلەسىپ جۇرگىزگەن ارنايى ءىس-شاراسى كەزىندە ۇستالعان.
«كۇدىكتىلەردىڭ ءبىرى – تاجىريبەلى ۇرى. سوڭعى رەت ول اسا ءىرى كولەمدەگى ۇرلىق جانە قارۋ ۇرلىعى ءۇشىن 8 جىلعا باس بوستاندىعىنان ايىرىلعان. قىلمىستىڭ تاعى ءبىر سىبايلاسى – وزبەكستاننىڭ تۋماسى، ول دا بۇرىن بوتەننىڭ مۇلكىن ۇرلاعانى ءۇشىن سوتتى بولعان. ەكى ايىپتالۋشى دا قاماۋعا الىندى. تەرگەۋ ءجۇرىپ جاتىر»، – دەدى احانوۆ.