الماتىدا سۋ باسۋدىڭ الدىن الۋعا جانە قالاداعى سۋ بۇرۋدى جاقسارتۋعا باعىتتالعان ارىق جەلىسىن اۋقىمدى جاڭعىرتۋ جالعاسۋدا. بۇل جۇمىستار «تازا قازاقستان» رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا جۇرگىزىلۋدە، دەپ حابارلايدى aqshamnews.kz
اعىمداعى جىلى اكىم ەربولات دوسايەۆتىڭ باستاماسىمەن قالانىڭ ءارتۇرلى ۋچاسكەلەرىندە جۇمىستار اياقتالدى: الماتىنىڭ شىعىس بولىگىندە 15 كوشەدە 7،4 كم ارىق جەلىسى قايتا جاڭارتىلدى، ورتالىق بولىگىندە 67 كوشەدە ۇزىندىعى 30،1 كم ارىقتار مەن نوسەر كارىزى جاڭارتىلدى، باتىس بولىگىندە (الاتاۋ، ناۋرىزباي جانە اۋەزوۆ اۋداندارىندا) 20،5 كم ارىقتار سالىندى. شارالار گيدرولوگيالىق جاعدايدى جاقسارتۋعا باعىتتالعان، اسىرەسە سۋ باسۋ ءقاۋپى جوعارى ايماقتاردا.
قالا تۇرعىندارى جاسالعان جۇمىستار ءۇشىن العىس بىلدىرۋدە.
«پولەجايەۆ كوشەسىندەگى سۋ باسۋ ماسەلەسى اقىرى شەشىلگەنىنە وتە قۋانىشتىمىز. بۇرىن قاتتى جاڭبىردا سۋ تروتۋار دەڭگەيىنە كوتەرىلىپ، اۋلالارىمىزدى سۋ باسىپ، ۇلكەن قولايسىزدىقتار تۋدىراتىن. ءبىراق جۇمىستى اياقتاعاننان كەيىن جولعا سۋ جينالمايدى جانە ءبىز دە جاڭبىرلى اۋا-رايىندا دا الاڭسىز جۇرە الامىز. وسى ماڭىزدى ىسكە قاتىسقانداردىڭ بارلىعىنا راقمەت!»،- دەيدى اۋدان تۇرعىنى گالينا.
«ماقاتايەۆ پەن جۇمالييەۆ كوشەلەرىنىڭ قيىلىسىن سۋ باسۋ بارلىق جەرگىلىكتى تۇرعىندار ءۇشىن ناعىز باس اۋرۋى بولدى. قاتتى جاڭبىردا سۋ جولداردى باسىپ قانا قويماي، ۇيلەردىڭ جەرتولەلەرىنە دەيىن كىرىپ، كۇردەلى ماسەلەلەر تۋعىزاتىن. ءقازىر بۇل جاعدايدىڭ وزگەرگەنىنە وتە قۋانىشتىمىن-جاسالعان جۇمىستاردان كەيىن سۋ جينالمايدى. ەندى ءبىز جاڭبىر جاۋىپ، ءبارىن قايتادان سۋ باسىپ كەتەدى دەپ قورىقپاي، كوشەدە ەمىن-ەركىن جۇرە الامىز»، - دەيدى كوشە تۇرعىنى جۇمالييەۆا ەرلان.
ەستەرىڭىزگە سالا كەتەيىك، الماتىدا قىس مەزگىلى قارساڭىندا «تازا قازاقستان» جالپى رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا كوشە-جول جەلىسىن، قوعامدىق ورىنداردى، وزەن ارنالارىن، كوشە ۋرنالارىن جانە ارىق جەلىسىن اۋقىمدى تازالاۋ جۇمىستارى جۇرگىزىلۋدە.
