قازاقستاندىق مۋزىكا Instagram-دا قولجەتىمسىز بولىپ قالۋىنىڭ سەبەبى — Meta (Instagram، Facebook، WhatsApp يەسى) مەن «قازاق» اراسىنداعى كەلىسىمنىڭ اياقتالۋى، دەپ حابارلايدى aqshamnews.kz
«قازاق» — قازاقستاندىق اۆتورلىق قۇقىقتاردى باسقارۋمەن اينالىساتىن ۇيىم. بۇعان دەيىن Meta مەن «قازاق» اراسىندا كەلىسىم بولعان، وعان سايكەس Instagram قازاقستاندىق ورىنداۋشىلاردىڭ مۋزىكاسىن پايدالانۋ ءۇشىن رويالتي تولەگەن. الايدا، «قازاق» تولەم كولەمىنە قاناعاتتانباي، ونى ۇلعايتۋدى تالاپ ەتكەن، ءبىراق ەكى تاراپ كەلىسىمگە كەلە المادى.
وسىلايشا، كەلىسىمشارت مەرزىمى اياقتالىپ، جاڭارتىلماعاندىقتان، Meta قازاقستاندىق مۋزىكا، سونىڭ ىشىندە تانىمال انشىلەردىڭ شىعارمالارىن پلاتفورمادا وشىرۋگە ءماجبۇر بولدى. بۇل جاعداي كوپ قولدانۋشىنىڭ نارازىلىعىن تۋدىرىپ، قازاقستاندىق مۋزىكانى Instagram-دا تىڭداي المايتىن بولىپ قالدى. قاشان جاڭا كەلىسىم جاسالىپ، ماسەلە شەشىلەتىنى ءالى بەلگىسىز. سوندىقتان، قازاقستاندىق مۋزىكا سۇيەر قاۋىم قازىرگى ۋاقىتتا باسقا پلاتفورمالار ارقىلى تىڭداۋعا ءماجبۇر.