كوپ قاباتتى ۇيدەگى اۆتوتۇراقتىڭ ديزاينى مەن فۋنكسيونالدىعىن وزگەرتۋگە تىيىم سالىندى.
سونىمەن قاتار، قۇرىلىس سالۋشىلارعا تىركەلمەگەن پاتەرلەردى، تۇرعىن ەمەس ءۇي-جايلاردى، اۆتوتۇراقتاردى، قويما بولمەلەرىن جەكە مەنشىككە ساتۋعا بولمايدى، دەپ حابارلايدى Almaty-akshamy.kz
ءماجىلىس دەپۋتاتتارى تۇرعىن ۇي-كوممۋنالدىق شارۋاشىلىق ماسەلەلەرى بويىنشا تۇزەتۋلەردى ماقۇلدادى.
ءماجىلىس وتىرىسىندا دەپۋتات ەكاتەرينا سمىشليايەۆا زاڭ جوباسى جەرگىلىكتى اتقارۋشى ورگاندارعا كوندومينيۋم نىساندارىن تىركەۋ قۇقىعىن بەرەتىنىن اتاپ ءوتتى. باسقارۋ نىسانى تاڭدالماعان جاعدايدا، اكىمدىكتەر ۋاقىتشا باسقارۋشى كومپانيانى تاعايىنداي الادى.
«16 پاتەرگە دەيىنگى شاعىن ۇيلەر ءۇشىن باسقارۋدىڭ ءۇشىنشى ءتۇرى – تىكەلەي بىرلەسكەن باسقارۋ قاراستىرىلسىن. مۇنداي ۇيلەر «ءبىر ءۇي - ءبىر ەسەپ» قاعيداتىن ساقتاي وتىرىپ، بىرىگىپ، ءبىر باسقارۋشى قويا الادى»، - دەدى دەپۋتات.
سونىمەن قاتار، قۇرىلىس سالۋشىلارعا تىركەلمەگەن پاتەرلەردى، تۇرعىن ەمەس ءۇي-جايلاردى، اۆتوتۇراقتاردى، قويما بولمەلەرىن جەكە مەنشىككە ساتۋعا تىيىم سالىنادى، وسىلايشا ولار الەۋەتتى كوندومينيۋم جانە ورتاق مەنشىك نىساندارىن ءوز بەتىمەن يەلەنە المايدى. كوپ قاباتتى ۇيدەگى اۆتوتۇراقتىڭ ديزاينى مەن فۋنكسيونالدىعىن وزگەرتۋگە تىيىم سالىندى.
سونداي-اق، مەنشىك يەلەرىنەن بەرەشەكتى ءوندىرىپ الۋ تۋرالى اتقارۋ پاراعىن ورىنداۋ ەندى ولاردىڭ جىلجىمايتىن مۇلكى ورنالاسقان جەرى بويىنشا جۇزەگە اسىرىلادى.