الماتى قوعامدىق قاۋىپسىزدىكتى سيفرلاندىرۋدا كوش باستاپ، جايلى دا ءقاۋىپسىز ءومىر ءسۇرۋ ءۇشىن جاڭا تەحنولوگيالار ارقىلى قالا تۇرعىندارىنا بارىنشا جاعداي جاساپ جاتىر. وڭىرلىك كوممۋنيكاسيالار قىزمەتىندە الماتى قالاسى سيفرلاندىرۋ باسقارماسى باسشىسىنىڭ مىندەتىن اتقارۋشى مەيرام دۇيسەكوۆ وسىلاي دەپ مالىمدەدى.
پرەزيدەنت قاسىم-جومارت توقايەۆ ءوز جولداۋىندا ەكونوميكا سالالارىن سيفرلىق تۇرلەندىرۋدى تاپسىرعان بولاتىن. وسى مىندەت اياسىندا شاھار اكىمدىگى ءبىراز جوبانى ىسكە اسىرعالى جاتىر.
الماتى ەلىمىزدە العاش رەت ءبىرىڭعاي بەينەمونيتورينگ جۇيەسىن ەنگىزدى. قالادا ءقازىر 54 مىڭنان استام كامەرا ورناتىلعان، ونىڭ 2،2 مىڭى ادامنىڭ بەت-الپەتىن تاني الادى. جىل سوڭىنا دەيىن كامەرانىڭ سانى 70 مىڭعا جەتپەك. سونىمەن قاتار «سەرگەك» ينتەللەكتۋالدى جۇيەسى جول قاۋىپسىزدىگىن باقىلاپ كەلەدى. ءقازىر وسىنداي 1 641 كەشەن جۇمىس ىستەپ تۇر. سونىڭ ناتيجەسىندە جول اپاتى 20%-عا، ادام شىعىنى 40%-عا ازايعان.
«كەشەندى قاۋىپسىزدىك جۇيەسى دە ماڭىزدى ءرول اتقارادى. ونىڭ اياسىندا 215 مەكتەپ، 193 بالاباقشا مەن 64 مەديسينالىق نىسانعا بەينەباقىلاۋ ورناتىلدى. بۇل جۇيە توتەنشە جاعداي قىزمەتىنە اۆتوماتتى تۇردە حابار بەرىپ، وقيعانى تالداۋعا مۇمكىندىك جاسايدى. قالادا قوسىمشا 32 SOS تۇيمەسى ورناتىلدى»، – دەدى سپيكەر.
سيفرلىق شەشىمدەر تۇرعىن ۇي-كوممۋنالدىق سالاعا دا ەنگىزىلگەن. ialma.kz پلاتفورماسى 40-تان استام قىزمەتتى اۆتوماتتاندىرىپ، قالا تۇرعىندارىنان 10 مىڭنان استام ءوتىنىش قابىلدادى.
الماتىنىڭ تاجىريبەسى – سيفرلاندىرۋدىڭ ىڭعايلىلىق قانا ەمەس، سونىمەن بىرگە قالا ءومىرىنىڭ قاۋىپسىزدىگى مەن سەنىمدى ينفراقۇرىلىمىن قالىپتاستىرۋدىڭ كەپىلى ەكەنىن كورسەتىپ وتىر.