الماتىدا ەكى جىل ىشىندە ەربولات دوسايەۆتىڭ تاپسىرماسى بويىنشا 500 شاقىرىمنان استام اتۆوسۋارۋ جانە تامشىلاتىپ سۋارۋ جەلىلەرى ورناتىلدى
الماتىدا جاسىل جەلەكتەردى كوگالداندىرۋ جانە ولارعا كۇتىم جاساۋدى جاقسارتۋ بويىنشا جۇيەلى جۇمىس جالعاسۋدا. اكىم ەربولات دوسايەۆتىڭ تاپسىرماسى بويىنشا ەكى جىل ىشىندە قالادا 500 شاقىرىمنان استام اۆتوسۋارۋ جانە تامشىلاتىپ سۋارۋ جەلىلەرى ورناتىلدى.
2025 جىلى تاعى 290 شاقىرىم اۆتوماتتاندىرىلعان سۋارۋ جۇيەسىن پايدالانۋعا بەرۋ جوسپارلانۋدا، بۇل ميلليون اعاشقا كۇتىم جاساۋعا مۇمكىندىك بەرەدى. بۇل شەشىم قالانىڭ تۇراقتى جانە سالاۋاتتى جاسىل ينفراقۇرىلىمىن قالىپتاستىرۋدىڭ كەشەندى ءتاسىلىنىڭ ءبىر بولىگى بولدى.
اعاش كۇتىمىندە زاماناۋي تەحنولوگيالاردى قولدانۋ ايتارلىقتاي ناتيجە بەردى: ەگەر 2022 جىلى كوشەتتەردىڭ ءتۇسۋ دەڭگەيى 30% بولسا، 2024 جىلعا قاراي بۇل كورسەتكىش 10% - عا دەيىن تومەندەدى.
سونىمەن قاتار، بۇگىن الماتىنىڭ جاڭا دەندرولوگيالىق جوسپارى ازىرلەنۋدە. ونىڭ اياسىندا اعاشتاردىڭ اعىمداعى جاي-كۇيىن باعالاي وتىرىپ جانە ەكپەلەردىڭ بيولوگيالىق تۇراقتىلىعىن ارتتىرۋ بويىنشا ناقتى شارالار ازىرلەي وتىرىپ، قالانىڭ جاسىل قورىنا تولىق تۇگەندەۋ جۇرگىزىلەتىن بولادى.
سۋارۋ جۇيەلەرىن كەشەندى جاڭارتۋ جانە كوگالداندىرۋعا عىلىمي كوزقاراس جاسىل ايماقتار لاندشافت ەلەمەنتىنە عانا ەمەس، ءومىر ساپاسىنىڭ نەگىزگى فاكتورىنا اينالاتىن جايلى جانە ەكولوگيالىق تازا قالالىق ورتانى قۇرۋعا باعىتتالعان.