الماتىدا بيىل 600 گازبەن جۇرەتىن اۆتوبۋس پەن 200 ەلەكتروبۋس ساتىپ الىنادى
الماتى اكىمى ەربولات دوسايەۆتىڭ ءۇش جىل ىشىندە جاساعان قىزمەتى بارىسىندا قالادا ەكولوگيالىق تازا قوعامدىق كولىكتىڭ ۇلەسى 70% – عا دەيىن، ال جىلجىمالى قۇرامنىڭ ورتاشا مەرزىمى 2،5 جىلعا دەيىن ۇلعايدى. جاقسى جانە قاناعاتتانارلىق جاعدايداعى اۆتوموبيل جولدارىنىڭ ۇلەسى 92% - عا دەيىن جەتكىزىلدى، دەپ حابارلايدى aqshamnews.kz
قوعامدىق كولىكتى ودان ءارى جاڭارتۋ ماقساتىندا 2025 جىلدىڭ سوڭىنا دەيىن جەتكىزىلىممەن 600 گاز اۆتوبۋسى مەن 200 ەلەكتروبۋس ساتىپ الۋعا كونكۋرستار جاريالاندى. ايتا كەتەيىك، وتكەن جىلى قوعامدىق كولىكتەردىڭ ساپاسىن ارتتىرۋ ءۇشىن قالا اكىمىنىڭ تاپسىرماسى بويىنشا 600 گاز جانە 100 ەلەكتروبۋس ساتىپ الىندى، بۇل قوعامدىق كولىكتى پايدالانۋدىڭ ورتاشا مەرزىمىن 6 جىلدان 2،5 جىلعا دەيىن تومەندەتۋگە، قالا تۇرعىندارىنىڭ ساپارلارىنىڭ جايلىلىعى مەن ەكولوگيالىق تازالىعىن جاقسارتۋعا مۇمكىندىك بەردى. سونداي - اق، 2024 جىلى تروللەيبۋس پاركىن 100% جاڭارتۋ اياقتالدى-بۇل 212 تروللەيبۋس.
قالانىڭ كولىك ينفراقۇرىلىمىنىڭ وزەكتى ماسەلەلەرىن شەشۋ ءۇشىن 2030 جىلعا دەيىنگى بولاشاعى بار الماتى كولىك قاڭقاسىنىڭ ماستەر-جوسپارى ازىرلەنىپ، بەكىتىلدى. قۇجاتتىڭ نەگىزگى مىندەتى-تۇرعىنداردىڭ قاجەتتىلىكتەرىنە نەعۇرلىم تۇراقتى، ءتيىمدى جانە باعدارلانعان كولىك ورتاسىن قۇرۋ. باسىم نىسانالى باعدارلاردىڭ ءبىرى قوعامدىق كولىكتەردەگى ساپارلاردىڭ ۇلەسىن 64% - عا دەيىن ۇلعايتۋ بولىپ تابىلادى.
جالپى، ءۇش جىل ىشىندە الماتىدا 75 كم جاڭا جول سالىندى جانە 650 كم جول ورتاشا جوندەۋمەن قامتىلدى. وسىلايشا، جاقسى جانە قاناعاتتانارلىق جاعدايداعى اۆتوموبيل جولدارىنىڭ ۇلەسى 92% - عا دەيىن جەتكىزىلدى.
اۋەزوۆ كوشەسىن گوگول كوشەسىنەن رايىمبەك داڭعىلىنا دەيىن جانە اباي داڭعىلىن ياسساۋي كوشەسىنەن ناۋرىزباي اۋدانىنىڭ اكىمشىلىك ورتالىعىنا دەيىن ۇزىندىعى 3،0 كم بولاتىن تەسۋ پايدالانۋعا بەرىلدى. ساين كوشەسى – موڭكە بي كوشەسى جانە قۇلجا تراكتىنىڭ قيىلىسىنداعى جولايرىقتارىن سالۋ اياقتالدى.قۇلجا تراكتى رىسقۇلوۆ داڭعىلىنان بۇقتىرما كوشەسىنە دەيىن كەڭەيتىلدى.
اعىمداعى جىلى ساين كوشەسىن رىسقۇلوۆ داڭعىلىنان موڭكە بي كوشەسىنە دەيىن ۇزارتۋدى، سونداي-اق قالقامان ش/ا اباي كوشەسىن اۋەزوۆ كوشەسىنەن قالا شەكاراسىنا دەيىن ۇزارتۋدى اياقتاۋ جوسپارلانعان.