الماتىنىڭ اكىمشىلىك پوليسياسىنىڭ مالىمەتىنشە، موپەدتى تىركەۋ ناۋقانى باستالعالى بەرى 500-دەن استام موپەد قولدانۋشى بۇل پروسەدۋرادان وتكەن: ولار كولىك قۇرالىنىڭ مەملەكەتتىك ءنومىرىن، تەحنيكالىق ءتولقۇجاتىن الدى جانە جول قوزعالىسىنىڭ باسقا قاتىسۋشىلارى سياقتى زاڭدى جاۋاپكەرشىلىككە تارتىلادى، دەپ حابارلايدى aqshamnews.kz.
– سونىمەن قاتار موپەد جۇرگىزۋشىلەرىنىڭ ا1 جۇرگىزۋشى ساناتى بولۋى كەرەك ەكەنىن ەسكە سالامىز. وسى جىلدىڭ 5 ساۋىرىنەن باستاپ موپەدتەردى مەحانيكالىق كولىكتەرگە تەڭەستىرەتىن زاڭنامالىق تۇزەتۋلەر كۇشىنە ەنەدى. وسى كۇننەن باستاپ موپەدتەردى پوليسيادا تىركەلگەننەن كەيىن جانە ءتيىستى جۇرگىزۋشى كۋالىگى بولعاننان كەيىن عانا پايدالانۋعا رۇقسات ەتىلەدى، - دەدى الماتى قالالىق پد اكىمشىلىك پوليسيا باسقارماسى پروسەسسينگ ورتالىعىنىڭ باسشىسى ايدىن مەركىمبايەۆ.
بۇرىن حابارلانعانداي، وتكەن جىلى “جول قوزعالىسى تۋرالى” زاڭعا وزگەرتۋلەر ەنگىزىلگەن بولاتىن. نەگىزگى ماقسات – موپەدتەردى پايدالانۋدى رەتتەۋ. ەندى موپەد جۇرگىزۋشىلەرى جول قوزعالىسىنىڭ تولىققاندى قاتىسۋشىلارى جانە ولارعا بارلىق زاڭ تالاپتارى قولدانىلادى.