الماتىدا قالالىق ءماسليحاتتىڭ كەزەكتەن تىس XXVII سەسسياسى ءوتتى.
كۇن تارتىبىندەگى ماسەلەلەردىڭ ءبىرى-جاڭادان قۇرىلعان قوعامدىق كولىك مارشرۋتتارىن حالىققا قولجەتىمدى ەتۋ ءۇشىن الەۋمەتتىك ماڭىزى بار دەپ تانۋ، دەپ حابارلايدى aqshamnews.kz.
قالالىق ءماسليحات دەپۋتاتتارىنىڭ الدىندا سويلەگەن سوزىندە الماتىنىڭ موبيلدىلىك باسقارماسىنىڭ باسشىسى ساعىندىق تەلىبايەۆ قالا ماڭىنداعى تۇرعىنداردىڭ ەداۋىر بولىگىنىڭ قوعامدىق كولىكتىڭ جەتىسپەۋشىلىگى پروبلەماسىنا تاپ بولىپ وتىرعانىن، بۇل ولاردى جەكە تاسىمالداۋ قىزمەتتەرىن پايدالانۋعا ءماجبۇر ەتەتىنىن اتاپ ءوتتى.
«كۇن سايىن قالا اۋماعىنا 300 مىڭنان استام كولىك كەلەدى. قالا اۋماعىنا كىرەتىن كولىك قۇرالدارىنىڭ جوعارى اعىنىن قىسقارتۋ جانە قالا تۇرعىندارىنىڭ موبيلدىلىگىن ارتتىرۋ ماقساتىندا بۇگىندە الماتى اكىمدىگى 147 قالالىق جانە 54 قالا ماڭىنداعى مارشرۋتتاردى ۇيىمداستىردى. ونىڭ ىشىندە الەۋمەتتىك ماڭىزى بار قاتىناستار تىزبەسىنە تەك 178 مارشرۋت ەنگىزىلگەن. حالىق ءۇشىن قالعان 23 مارشرۋتتىڭ قولجەتىمدىلىگىن قامتاماسىز ەتۋ ماقساتىندا ولاردى الەۋمەتتىك ماڭىزى بار قاتىناستار تىزبەسىنە ەنگىزۋ قاجەت»، - دەپ اتاپ ءوتتى باسقارما باسشىسى.
وتىرىس قورىتىندىسى بويىنشا دەپۋتاتتار بۇل ۇسىنىستى قولدادى.
ايتا كەتەيىك، 2024 جىلى الماتى اكىمى ەربولات دوسايەۆتىڭ تاپسىرماسىمەن قالادا قالا ماڭىنداعى 20 جانە 2 قالالىق مارشرۋت ىسكە قوسىلدى. اعىمداعى جىلى قوعامدىق كولىكتىڭ قولجەتىمدىلىگىن ارتتىرۋ جانە دامىتۋ ماقساتىندا 800 ەكولوگيالىق تازا اۆتوبۋس ساتىپ الۋ جوسپارلانۋدا.