«قازگيدرومەت» رمك ناۋرىزدىڭ 25ء-ى كۇنگى اۋا رايى بولجامىن جاريالادى، دەپ حابارلايدى اlmaty-akshamy.kz.
كاسىپورىننىڭ بولجامىنا قاراعاندا، اتموسفەرالىق فرونتالدى بولىكتەردىڭ وتۋىنە وراي قازاقستاننىڭ باسىم بولىگىندە كۇن قۇبىلمالى بولادى، جاۋىن جاۋىپ، ەلىمىزدىڭ سولتۇستىگى مەن شىعىسىندا كوبىنە قار جاۋادى، تۇندە وڭتۇستىك-باتىستا نوسەر جاۋىن (جاڭبىر، قار) جاۋادى. تەك ەلىمىزدىڭ باتىسىندا عانا كۇن جاۋىن-شاشىنسىز بولادى. رەسپۋبليكا بويىنشا جەل كۇشەيىپ، تۇمان تۇسەدى، كوكتايعاق بولادى، ەلدىڭ سولتۇستىگى، سولتۇستىك-باتىسى مەن شىعىسىندا جاياۋ بۇرقاسىن سوعادى.
تۇندە تۇركىستان وبلىسىنىڭ باتىسى، وڭتۇستىگى، تاۋلى جانە تاۋ بوكتەرلى اۋداندارىندا تۇمان ءتۇسىپ، كۇندىز تاۋ اسۋلارىندا جەلدىڭ كۇشى سەكۋندىنا 15-20 مەترگە جەتەدى.
جامبىل وبلىسىنىڭ وڭتۇستىگى، سولتۇستىك-شىعىسى مەن تاۋلى اۋداندارىندا تۇمان ءتۇسىپ، كوكتايعاق بولادى، تاڭەرتەڭ جانە كۇندىز وبلىستىڭ شىعىسى مەن تاۋلى اۋدارىندا جەلدىڭ كۇشى سەكۋندىنا 15-20 مەترگە جەتەدى.
تۇندە جانە تاڭەرتەڭ الماتى وبلىسىنىڭ وڭتۇستىگى مەن تاۋلى اۋداندارىندا تۇمان ءتۇسىپ، كوكتايعاق بولادى، ءوڭىردىڭ سولتۇستىك-شىعىسىندا جەل سەكۋندىنا 15-20 مەتر جىلدامدىقپەن ەسەدى.
قىزىلوردا وبلىسىنىڭ سولتۇستىگىندە تۇمان ءتۇسىپ، كۇندىز ورتالىعىندا جەلدىڭ كۇشى سەكۋندىنا 15-20 مەترگە جەتەدى. كۇندىز سولتۇستىك قازاقستان وبلىسىنىڭ سولتۇستىگىندە جاياۋ بۇرقاسىن، كوكتايعاق بولادى، تۇندە سولتۇستىگى مەن وڭتۇستىگىندە، كۇندىز باسىم بولىگىندە جەلدىڭ كۇشى سەكۋندىنا 15-20 مەترگە جەتەدى، كۇندىز ەكپىنى 25 م/س بولادى.
پاۆلودار وبلىسىنىڭ تۇندە شىعىسىندا، كۇندىز سولتۇستىگىندە جاياۋ بۇرقاسىن، كوكتايعاق بولادى، تۇندە شىعىسىندا، كۇندىز باتىسى مەن سولتۇستىگىندە جەلدىڭ كۇشى سەكۋندىنا 15-20 مەترگە جەتەدى.
شىعىس قازاقستان وبلىسىنىڭ سولتۇستىك-شىعىسىندا جاياۋ بۇرقاسىن بولىپ، تۇندە باتىسى، سولتۇستىك-شىعىسى مەن وڭتۇستىگىندە جەلدىڭ جىلدامدىعى سەكۋندىنا 15-20 مەترگە جەتەدى، ەكپىنى 23 م/س دەيىن كۇشەيۋى مۇمكىن.
قوستاناي وبلىسىنىڭ شىعىسى مەن وڭتۇستىگىندە تۇمان ءتۇسىپ، كوكتايعاق بولادى، شىعىسىندا جاياۋ بۇرقاسىن سوعادى، كۇندىز شىعىسىندا جەلدىڭ كۇشى سەكۋندىنا 15-20 مەترگە جەتەدى.
اقمولا وبلىسىنىڭ سولتۇستىگى مەن باتىسىندا جاياۋ بۇرقاسىن سوعىپ، كوكتايعاق بولادى، ءوڭىردىڭ سولتۇستىگى مەن شىعىسىندا جەلدىڭ كۇشى سەكۋندىنا 15-20 مەترگە جەتەدى.
ماڭعىستاۋ وبلىسىنىڭ باتىسىندا تۇمان ءتۇسىپ، باتىسى مەن وڭتۇستىك-شىعىسىندا جەلدىڭ جىلدامدىعى سەكۋندىنا 15-20 مەترگە جەتەدى.
باتىس قازاقستان وبلىسىنىڭ سولتۇستىگىندە، اتىراۋ وبلىسىنىڭ سولتۇستىگى مەن ورتالىعىندا تۇمان كۇتىلەدى.