4،5 ملن تەڭگەدەن استام سوماعا جول ەرەجەسىن بۇزعان الماتىلىق ءوز قاتەلىگىن قايتالاماۋعا كەڭەس بەردى.
رەسەي فەدەراسياسىندا تىركەلگەن Toyota Camry كولىگىنىڭ 38 جاستاعى يەسى اۆتوكولىك جۇرگىزۋشىلەرىنىڭ انتيرەيتينگىندە كوش باستادى. ول جالپى سوماسى 4 ملن 574 مىڭ 700 تەڭگەگە جول قوزعالىسى ەرەجەسىن بۇزعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
ودان كەيىن 1 ملن 362 مىڭ 750 تەڭگە كولەمىندە تولەنبەگەن ايىپپ ۇلى بار BMW كولىگىنىڭ يەسى تۇر. نەبارى ءۇش كۇندە الماتى جولدارىندا جۇرگىزۋشىلەرى جقە ورەسكەل بۇزىپ، ايىپپۇل تولەمەيتىن 33 كولىك ۇستالدى.
«مەن رەسەيلىك نومىرمەن رەسەيلىك تىركەۋدەگى كولىكتىڭ يەسىمىن. بىرنەشە جىل ايدادىم، ەرەجەنى بۇزدىم. ايىپپۇل سومماسى شامامەن 4،5 ملن تەڭگەنى قۇرادى. مەنى پوليسيا قىزمەتكەرلەرى ۇستادى، كولىكتى ايىپپۇل تۇراعىنا قويدى. امال جوق، ايىپپۇل تولەۋگە تۋرا كەلدى. ولاردى تولەگەن سوڭ، مەن قاتتى كۇيزەلىسكە ءتۇستىم: كەيدە ءتىپتى دارى-دارمەكپەن ءوزىمدى تىنىشتاندىردىم. بولاشاقتا مۇنى قايتالامايمىن. تولەۋ وتە اۋىر بولدى. ءبارى ءۇشىن تولەۋ كەرەك بولادى، سوندىقتان جقە بۇزباعانىڭىز ءجون. الماتىلىقتاردى، رەسپۋبليكا تۇرعىندارىن جقە ساقتاۋعا شاقىرامىن»، – دەدى قۇقىق بۇزۋشى.
وسى جانە باسقا دا جول قوزعالىسى ەرەجەلەرىن قاساقانا بۇزۋشىلاردى پوليسيا اۆتوماتتاندىرىلعان اقپاراتتىق جۇيەلەر ارقىلى انىقتاپ جاتىر.
«بۇعان دەيىن بىرنەشە رەت حابارلانعانداي، الماتىدا جالعان مەملەكەتتىك تىركەۋىش نومىرلىك بەلگىلەرىن پايدالاناتىن، كولىكتەرگە ارنايى بەلگى بەرەتىن قۇرىلعىلار ورناتقان كولىك جۇرگىزۋشىلەرىن، كولىكتى ماس كۇيىندە باسقارعان جانە تولەنبەگەن ايىپپۇلدارى بار ادامداردى انىقتاۋ جانە جاۋاپكەرشىلىككە تارتۋ بويىنشا ماقساتتى جۇمىستار جۇرگىزىلىپ جاتىر. اكىمشىلىك ايىپپۇلداردى ۋاقتىلى تولەۋ قاجەتتىگىن تاعى دا ەسكە سالامىز جانە جول قوزعالىسى ەرەجەلەرىن قاتاڭ ساقتاۋعا شاقىرامىز»، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.