ولاردىڭ زاڭسىز جۇرگەندەرى «ۋچاسكە» ءىس-شاراسى بارىسىندا انىقتالدى.
كوشى-قون قىزمەتى حابارلاعانداي، شەتەلدىك ازاماتتار قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىر اپتانىڭ ىشىندە 216 شەتەلدىك اكىمشىلىك جاۋاپكەرشىلىككە تارتىلدى، ونىڭ ىشىندە 38 الىس شەتەل ازاماتتارى (افريكا قۇرلىعى ەلدەرىنەن – 17 جانە تۇركيا – 11)، سونداي-اق 178 كورشىلەس ەلدەردىڭ ازاماتى. سونىمەن قاتار 105 شەتەل ازاماتىنىڭ جەكە باسىن كۋالاندىراتىن قۇجاتى بولماي، قابىلداپ-تاراتۋعا ورنالاستىرىلدى. وزبەكستاننان – 66، تاجىكستاننان – 25 جانە نيگەريادان – 8. سوت شەشىمىمەن قازاقستاننان 40 شەتەلدىك شىعارىلدى، ونىڭ 22ء-سى وزبەكستان ازاماتى، 11ء-ى نيگەريا ازاماتى»، دەدى، الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونداي-اق قازاقستان رەسپۋبليكاسىنىڭ كوشى-قون زاڭناماسىن ورەسكەل بۇزىپ، شەتەل ازاماتتارىن قابىلداعان 54 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.