ولار “قورعاۋ – ءقاۋىپتى جۇرگىزۋشى” جۇيەسى ارقىلى انىقتالدى.
بۇرىن حابارلانعانداي، الماتى پوليسياسى مەملەكەتتىك جالعان نومىرلەردى پايدالاناتىن، كولىكتەرگە ارنايى بەلگى بەرۋ قۇرىلعىلارىن ورناتقان جۇرگىزۋشىلەردى، سونداي-اق كولىك قۇرالدارىن ماس كۇيىندە باسقارعان ادامداردى انىقتاۋ جانە جاۋاپكەرشىلىككە تارتۋ بويىنشا ماقساتتى جۇمىستار جۇرگىزىپ جاتىر. قورعاۋ – ءقاۋىپتى جۇرگىزۋشى” كەشەنى جىل باسىنان بەرى قالا جولدارىندا 4123 قۇقىق بۇزۋشىلىقتى انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ەسكە سالايىق، “قورعاۋ – ءقاۋىپتى جۇرگىزۋشى” – پاترۋلدىك پوليسەيلەردىڭ قىزمەتتىك پلانشەتتەرىنە ورناتىلعان جانە “سەرگەك” اپپاراتتىق-باعدارلامالىق جۇيەلەرىمەن بىرىكتىرىلگەن اۆتوماتتاندىرىلعان جۇيە. ونىڭ جۇمىس ىستەۋ ءپرينسيپى كەلەسىدەي: جۇيە ىزدەۋدەگى كولىك اعىنىنداعى كولىكتەردى انىقتايدى جانە دەرەكتەردى پوليسيا وپەراتورى ءۇشىن سەرۆەرگە جىبەرەدى. ىزدەۋدەگى كولىك تابىلعان كەزدە وپەراتور پاترۋلدىك قىزمەتكەرلەرگە بەلگى بەرەدى.
“قورعاۋ – ءقاۋىپتى جۇرگىزۋشى” ءتارتىپ بۇزۋشىلاردى، جالعان نومىرلەردى، كولىك قۇرالىن باسقارۋ قۇقىعىنان ايىرىلعان ادامداردىڭ اۆتوكولىكتەرىن، سونداي-اق ىزدەۋدە جۇرگەن كولىكتەردى انىقتايدى. جۇيەنىڭ نەگىزگى فۋنكسيالارىنىڭ ءبىرى – ءقاۋىپتى جۇرگىزۋشىلەردى انىقتاۋ. سونداي-اق پوليسيادا، مامانداندىرىلعان الگوريتمدەردى پايدالانا وتىرىپ، اۆتوماتتاندىرىلعان باعدارلامالىق كەشەن جولداردا اپاتتىق جاعداي تۋعىزاتىن جۇرگىزۋشىلەردى انىقتايتىنىن ايتتى. جۇيە بەرىلگەن راديۋستا ولاردىڭ ورنالاسۋىن كورسەتەدى. پوليسيا قىزمەتكەرى ءوز كەزەگىندە مۇنداي كولىكتەردى توقتاتىپ، ىقتيمال اپات بولماس بۇرىن الدىن الۋ شارالارىن قولدانا الادى.
سونىمەن قاتار، اقپان ايىندا جول قوزعالىسى قاۋىپسىزدىگىن قامتاماسىز ەتۋگە جانە جول-كولىك وقيعاسى دەڭگەيىن تومەندەتۋگە باعىتتالعان پاترۋلدىك كولىكتەرگە جاڭا “سەرگەك-پاترۋل” كەشەندەرى ورناتىلدى. جوعارى ينتەللەكتىلى كامەرالاردىڭ كومەگىمەن كەشەن اعىنداعى كولىكتى انىقتاپ، مەملەكەتتىك ءنومىردى تانيدى جانە دەرەكتەردى سەرۆەرگە جىبەرەدى. سونداي-اق مەملەكەتتىك تىركەۋ بەلگىسى “قولدان جاسالعان” بولۋىنا، تەحنيكالىق بايقاۋدىڭ، ساقتاندىرۋ ءپوليسىنىڭ بولماۋىنا، تولەنبەگەن ايىپپۇلداردىڭ، ۇرلىق جانە قانداي دا ءبىر قۇقىق بۇزۋشىلىققا قاتىسى بار-جوعىنا تەكسەرىلەدى.