قازاقستاندا موپەدتى تىركەۋ ناۋقانى جالعاسۋدا.
الماتى قالاسى اكىمشىلىك پوليسيا باسقارماسى پروسەسسينگ ورتالىعىنىڭ مالىمەتىنشە، موپەدتى تىركەپ، "ا1" ساناتىنداعى جۇرگىزۋشى كۋالىگىن العان ازاماتتاردىڭ سانى بىرتىندەپ ارتىپ كەلەدى، دەپ حابارلايدى aqshamnews.kz
"موپەد جۇرگىزۋشىلەرى مىنانى ەستە ساقتاۋى كەرەك. "جول ءجۇرىسى تۋرالى" زاڭعا وزگەرتۋلەر مەن تولىقتىرۋلار ەنگىزىلگەننەن كەيىن موپەدتەر رەسمي تۇردە كولىك قۇرالى رەتىندە تانىلدى. دەمەك ەندى ولاردى جۇرگىزۋ ءۇشىن ءتيىستى ساناتتاعى جۇرگىزۋشى كۋالىگى، ساقتاندىرۋ ءپوليسى بولۋى كەرەك. پوليسيا بارلىق موپەد يەلەرىنە تىركەۋدى كەشىكتىرمەۋدى قاتاڭ تۇردە ۇسىنادى، ويتكەنى جاڭا ەرەجەلەردى ساقتاماۋ اكىمشىلىك جاۋاپكەرشىلىككە اكەپ سوعادى. زاڭدى ساقتاۋ – بۇل جاي عانا فورمالدىلىق ەمەس، جول قاۋىپسىزدىگى ماسەلەسى. ۋاقىتىندا تىركەلىپ، كولىگىڭىزدى زاڭدى تۇردە جۇرگىزىڭىز"، - دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
موپەدتى تىركەۋ ءۇشىن يەسى (يەسىنىڭ وكىلى) مىنالاردى كورسەتەدى: - جەكە باسىن كۋالاندىراتىن قۇجات (تۇلعانى سايكەستەندىرۋ ءۇشىن) نەمەسە سيفرلىق قۇجاتتاما قىزمەتىنەن ەلەكتروندى تۇردە؛ - سالىق كودەكسىنىڭ 553 جانە 615-باپتارىندا كوزدەلگەن سجتج، متنب بەرگەنى ءۇشىن تىركەۋ الىمى مەن مەملەكەتتىك باجدىڭ تولەنگەنىن راستايتىن قۇجاتتار. (0،25 اەك نەمەسە 983 تەڭگە، سجتج بەرۋ ءۇشىن – 1،25 اەك نەمەسە 4915 تەڭگە جانە متنب بەرۋ ءۇشىن – 1،4 اەك نەمەسە 5505 تەڭگە)؛ - ق ر ءىىم 02.12.2014 جىلعى №862 بۇيرىعىمەن بەكىتىلگەن كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ قاعيدالارىنىڭ 16-قوسىمشاسىنا سايكەس موپەدتى مەملەكەتتىك تىركەۋگە ءوتىنىش. - تەحنيكالىق قۇجات (بار بولسا) نەمەسە موپەدتىڭ تەحنيكالىق سيپاتتامالارى تۋرالى اقپارات؛ - موپەدكە سايكەستەندىرۋ ءنومىرى بولماعان جاعدايدا سايكەستەندىرۋ ءنومىرىن تىركەۋ ءىس-شارالارى جۇرگىزىلگەنگە دەيىن موپەد يەسىنىڭ ءوتىنىشى بويىنشا جول قوزعالىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگان بەرەدى؛ - قاعيدالارعا 12-قوسىمشاعا سايكەس كولىك قۇرالىن تەكسەرۋ اكتىسى (كولىك قۇرالىن باستاپقى تىركەۋ كەزىندە)؛ - بۇرىنعى سجتج جانە متنب (بار بولسا)؛ - مەنشىك يەسىنىڭ وكىلى جۇگىنگەن جاعدايدا كەلىسىم نەمەسە سەنىمحات.