الماتىدا ۇلتارالىق دوستىق پەن قوعامدىق كەلىسىمدى ساقتاۋدا ەڭبەگى سىڭگەن ازاماتتار كوپ
بۇگىندە الماتىدا 37 قالالىق ەتنومادەني بىرلەستىك بار. بۇل تۋرالى اگەنتتىك ءتىلشىسىنىڭ ساۋالىنا قالا اكىمدىگىنىڭ بەرگەن جاۋابىندا ايتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اكىمدىك مالىمەتىنە سايكەس، الماتىدا ۇلتارالىق دوستىق پەن قوعامدىق كەلىسىمدى ساقتاۋدا ەڭبەگى سىڭگەن ازاماتتار كوپ. ولاردىڭ قاتارىندا «يرنىحاس «وسەتين مادەني – اعارتۋ ورتالىعىنىڭ» ءتوراعاسى كازبەك مامسۋروۆ، قازاقستاندىق ورىس مادەني ورتالىعىنىڭ ءتوراعاسى ۆسيەۆولود لۋكاشيەۆ، «قازاقستان ۇيعىرلار قاۋىمداستىعى» الماتى قالالىق فيليالىنىڭ ءتوراعاسى ابايدۋللام جاپاروۆ، «قازاقستان ۇيعىرلار قاۋىمداستىعى» الماتى قالالىق فيليالى ءتوراعاسىنىڭ ورىنباسارى ابدۋحاليل دولكۋنتاي، تۇرىك مادەني ورتالىعى ءتوراعاسىنىڭ ورىنباسارى كازاكباي كاسيموۆ، وزبەك ۇلتتىق مادەني ورتالىعىنىڭ ءتوراعاسى ابدۋللا يسماتۋللايەۆ، ۇيعىر مادەني ورتالىعى ءتوراعاسىنىڭ ورىنباسارى ماحينۋر يسرايلوۆا، «يلداش» تاتار گۋمانيتارلىق دامۋ ورتالىعىنىڭ ءتوراعاسى نۋريا نيازوۆا، «اريانا» اۋعان ورتالىعىنىڭ ءتوراعاسى ۆاستوك احمادۋللا بار.
سونداي-اق الماتىداعى «دوستىق ءۇيى» ۇلتارالىق كەلىسىمنىڭ نىعايۋىنا سەپتىگىن تيگىزىپ كەلەدى. بۇگىندە مۇندا ەتنومادەني بىرلەستىكتەردىڭ ءار وكىلىنىڭ كابينەتى مەن جينالىستار وتكىزىلەتىن جالپى ءماجىلىس زالى بار.
ايتا كەتەيىك، الماتىدا 1 مامىر – قازاقستان حالقىنىڭ بىرلىگى كۇنىنە وراي مەرەكەلىك شارالار باستالىپ كەتتى. مىسالى، ىشكى ىستەر مينيسترلىگىنىڭ اكادەمياسى مەن قازاقستان حالقى اسسامبلەياسى بىرلەسىپ مەرەكەلىك كونسەرت وتكىزدى. ال 1 مامىردا رەسپۋبليكا سارايىنىڭ جانىندا جالپىقالالىق كونسەرتتىك باعدارلاما ۇسىنىلادى.
بۇعان دەيىن الماتى اكىمدىگى قازاقستان حالقىنىڭ بىرلىگى كۇنىنە ارنالعان نەگىزگى مەرەكەلىك ءىس-شارالار رەسپۋبليكا سارايى الدىنداعى اباي الاڭىندا وتەتىنىن حابارلاعان بولاتىن.