الماتى جاسىل جەلەككە ورانادى
مەگاپوليستى قالپىنا كەلتىرۋ جانە ودان ءارى دامىتۋ بويىنشا مەملەكەت باسشىسىنىڭ تاپسىرماسىن ورىنداۋ ءۇشىن الماتىنىڭ 2022 جىلعا ارنالعان بيۋدجەتىن ناقتىلاۋ بويىنشا ءماسليحاتتىڭ XVI سەسسياسى ءوتتى، دەپ حابارلايدى Almaty-akshamy.kz.
قالا اكىمى ەربولات دوسايەۆتىڭ ايتۋىنشا، ءقازىر الماتىدا 2،6 ميلليون اعاش بار. قالادا ساياباقتار مەن سكۆەرلەر ازدىق ەتىپ وتىر.
«ساياباق، سكۆەرلەر مەن جاياۋ جۇرگىنشىلەر ايماقتارى جەتىسپەيدى. الماتىنىڭ ءاربىر بەسىنشى اعاشى ءالسىز. مەملەكەت باسشىسىنىڭ باستاماسىمەن 2020 جىلدان باستاپ الماتىدا 1 ملن اعاش وتىرعىزۋ باعدارلاماسى جۇزەگە اسىرىلۋدا، ونىڭ اياسىندا بيىل قالا بويىنشا 350 مىڭعا جۋىق كوشەت وتىرعىزۋ جوسپارلانۋدا»، – دەدى ەربولات دوسايەۆ.
الماتىنىڭ جاسىل قورىن جاقسارتۋ ءۇشىن الداعى ەكى جىل ىشىندە اكىمدىك 1 ملن اعاش وتىرعىزۋدى جوسپارلاپ وتىر.
«وسىعان بايلانىستى، "جاسىل قالا" مارتەبەسىن ساقتاۋ جانە ارتتىرۋ ءۇشىن ناقتىلاۋ اياسىندا الاتاۋ اۋدانىندا تامشىلاتىپ سۋارۋدى دامىتۋعا 332،3 ملن تەڭگە قاراستىرۋدى ۇسىنامىز»، – دەدى مەگاپوليس باسشىسى.