شىعىنعا ۇشىراعان كاسىپكەرلەردىڭ 119 ءوتىنىشى ماقۇلداندى
2022 جىلعى 2 ناۋىرىزدا شاعىن جانە ورتا بيزنەس سۋبەكتىلەرىنىڭ مۇلىكتىك شىعىنىن انىقتاۋ جونىندەگى وڭىرلىك كوميسسيا كاسىپكەرلەردىڭ جالپى سوماسى 633،6 ملن تەڭگەنى قۇرايتىن 119 ءوتىنىشىن ماقۇلدادى. ونىڭ ىشىندە جالپى سوماسى 520،3 ملن تەڭگەنىڭ 60 ءوتىنىشى بيۋدجەت قاراجاتىنىڭ، جالپى سوماسى 113،3 ملن تەڭگەنىڭ 59 ءوتىنىشى «جاڭا الاتاۋ» قايىرىمدىلىق قورى قارجىسىنىڭ ەسەبىنەن تولەندى.
كوميسسيا جالپى سوماسى 3 774،1 ملن تەڭگەنى قۇرايتىن بارلىعى 1009 ءوتىنىشتى ماقۇلدادى، ونىڭ ىشىندە جالپى سوماسى 2 796،2 ملن تەڭگەنىڭ 519 ءوتىنىشى بيۋدجەت قاراجاتىنىڭ، جالپى سوماسى 977،9 ملن تەڭگەنىڭ 490 ءوتىنىشى «جاڭا الاتاۋ» قايىرىمدىلىق قورى قارجىسى ەسەبىنەن قارجىلاندىرىلدى.
زارداپ شەككەن شاعىن جانە ورتا بيزنەس سۋبەكتىلەرىنەن وتىنىشتەرى InfoKazakhstan سايتىنا كەلىپ تۇسەدى. بۇگىندە الماتىدا زارداپ شەككەن 1413 شوب سۋبەكتىسى انىقتالدى.