الماتىدا 31 شىلدەدەن باستاپ پۋشكين كوشەسىنىڭ ءبىر بولىگى جابىلىپ، جاياۋ جۇرگىنشىلەر اللەياسىنا اينالادى، - دەپ حابارلايدى aqshamnews.kz.
الماتى قالاسىنىڭ قوعامدىق كەڭىستىكتەردى دامىتۋ باسقارماسى رايىمبەك باتىر داڭعىلىنان گوگول كوشەسىنە دەيىنگى پۋشكين كوشەسى بويىندا اۋماقتى قايتا جاڭعىرتۋ جوباسىنىڭ باستالعانى جونىندە حابارلايدى.
2025 جىلى 31 شىلدەدەن باستاپ قۇرىلىس-مونتاج جۇمىستارىنا بايلانىستى پۋشكين كوشەسىنىڭ شىعىس جاعىنداعى (رايىمبەك باتىر داڭعىلىنان ماقاتايەۆ كوشەسىنە دەيىن) كولىك قوزعالىسى ۋاقىتشا توقتاتىلادى. جاڭعىرتۋ اياقتالعاننان كەيىن بۇل بولىك جاياۋ جۇرگىنشىلەرگە ارنالعان اللەياعا اينالىپ، كولىك قوزعالىسى ءۇشىن ءبىرجولا جابىلادى.
قۇرىلىس ۋاقىتىندا كولىك قوزعالىسى پۋشكين كوشەسىنىڭ باتىس جاعىندا وڭتۇستىك باعىتتا ءبىرجاقتى تارتىپتە ۇيىمداستىرىلادى.
بۇل شەكتەۋ شارالارى الماتى قالاسى پوليسيا دەپارتامەنتى مەن قالالىق موبيلدىلىك باسقارماسىمەن كەلىسىلگەن.