الماتىدا كوشەدەگى زاڭسىز ساۋدانى جويۋ ماقساتىندا 306 زاڭسىز ورناتىلعان ستاسيونارلىق ەمەس ساۋدا نىسانى (سەسن) مەن 222 ويىن-ساۋىق اپپاراتى (كۇش ولشەۋىش) بۇزىلدى. سونىمەن قاتار، مەملەكەتتىك جەر قورىندا زاڭسىز تۇرعىزىلعان 32 كۇردەلى قۇرىلىمدى ماجبۇرلەپ بۇزۋ ءۇشىن سوتقا تالاپ-ارىز جىبەرىلدى.
قالعان 139 سەسن-دى بۇزۋ جۇمىستارى بيىل 31 ناۋرىزعا دەيىن اياقتالادى. قازىرگى ۋاقىتتا كوممۋنالدىق قىزمەت بۇل نىسانداردىڭ زاڭسىز قوسىلعان ينجەنەرلىك جەلىلەرىن ءوشىرۋ جۇمىستارىن جالعاستىرۋدا.
جەرگىلىكتى تۇرعىندار زاڭسىز نىسانداردى بۇزۋ باستاماسىن قولدايدى.
«بۇل دۇڭگىرشەكتەر ءجۇرىپ-تۇرۋعا كەدەرگى كەلتىرىپ، رەتسىزدىك تۋعىزدى، ال كەيبىر ساتۋشىلار قوقىستى تروتۋارعا تاستاپ كەتەتىن»، – دەيدى الماتىلىق تۇرعىن ءاليا سارسەنوۆا.
«بۇرىن مۇندا ساپاسى كۇماندى تاماق ساتاتىن دۇڭگىرشەك بولعان. ءونىم ساقتاۋ جاعدايى سانيتارلىق تالاپتارعا ساي ەمەس ەدى. ءقازىر بۇل جەر دەنساۋلىق ءۇشىن، اسىرەسە بالالار مەن جاستار ءۇشىن ءقاۋىپسىز بولدى»، – دەيدى زەينەتكەر سەرگەي يۆانوۆ.
ەسكە سالايىق، الماتى اكىمى ەربولات دوسايەۆتىڭ تاپسىرماسىمەن 2025 جىلدىڭ 4 اقپانىنان باستاپ كاسىپكەرلىك جانە ينۆەستيسيالار باسقارماسى جۇمىس توبىمەن بىرلەسىپ، وزدىگىنشە ورناتىلعان سەسن-دەردى جويۋ جۇمىستارىن باستاعان بولاتىن.
قالادا زاڭسىز سەسن-دەردى الىپ تاستاۋ جۇمىستارى جالعاسىپ وتىر.