الماتىدا جاڭا وقۋ جىلىنا دايىندىق اياقتالىپ كەلەدى. 2024 جىلدىڭ 2 قىركۇيەگىنەن قالادا 308 519 وقۋشى جاڭا وقۋ جىلىن باستايدى، بۇل وتكەن جىلمەن سالىستىرعاندا 8 مىڭعا كوپ، دەپ حابارلايدى aqshamnews.kz.
مۇنداي دەرەكتەردى وكق بريفينگىندە قالا اكىمىنىڭ ورىنباسارى اسەم ءنۇسىپوۆا كەلتىردى. بيىل بارلىعى 28 144 بالا ءبىرىنشى سىنىپقا بارعالى وتىر.
«بيىلعى جىلى وقۋشىلار كونتينگەنتىنىڭ ءوسۋى 8 مىڭ بالانى قۇرايدى، بۇل وتكەن جىلدىڭ كورسەتكىشتەرىنەن 15% – عا تومەن»، - دەپ اتاپ ءوتتى ول.
سونىمەن قاتار، جەرگىلىكتى بيۋدجەتتەن جالپىعا بىردەي ءبىلىم بەرۋ قورىنا 1،6 ملرد تەڭگە ءبولىندى، بۇل بالالاردى مەكتەپ فورماسىمەن جانە كەڭسە تاۋارلارىمەن قامتاماسىز ەتۋگە مۇمكىندىك بەرەدى.
«بۇگىنگى تاڭدا مەكتەپ فورماسىن، اياق كيىمدى، سپورتتىق كيىمدى جانە كەڭسە تاۋارلارىن ساتىپ الۋعا 55 مىڭ تەڭگەدەن 12 684 مۇقتاج بالا قارجىلاي كومەك الدى»، - دەپ اتاپ ءوتتى ول.
سونىمەن قاتار، دەمەۋشىلەر مەن مەسەناتتار تاراپىنان كومەك كورسەتۋ بويىنشا جۇمىستار جۇرگىزىلۋدە. 1 تامىزدا ءحاوت ساناتىنداعى بالالاردى مەكتەپ فورماسىمەن جانە كەرەك-جاراقتارىمەن قامتاماسىز ەتۋ بويىنشا ءداستۇرلى جىل سايىنعى «مەكتەپكە جول» رەسپۋبليكالىق اكسياسى باستالدى. ناۋقان 30 قىركۇيەككە دەيىن جالعاسادى.
وسىلايشا، دەمەۋشىلەر مەن مەسەناتتار ەسەبىنەن جالپى سوماسى 275 ملن. تەڭگەگە 5010 بالاعا كومەك كورسەتىلدى.