جاڭا وقۋ جىلىندا الماتىنىڭ 133 مىڭنان استام وقۋشىسى تەگىن ىستىق تاماقپەن قامتاماسىز ەتىلەدى. بۇل تۋرالى وكق بريفينگىندە الماتى اكىمىنىڭ ورىنباسارى اسەم ءنۇسىپوۆا ايتتى، دەپ حابارلايدى aqshamnews.kz.
ول ءۇشىن جەرگىلىكتى بيۋدجەتتەن 16،5 ملرد تەڭگە بولىنگەنى ايتىلدى.
«حالىقتىڭ الەۋمەتتىك وسال توپتارىنان شىققان بالالار ءۇشىن تاماقتانۋ تەگىن بولادى، بۇل جەردە 1-11 سىنىپ وقۋشىلارى قامتىلادى»، - دەدى اسەم ءنۇسىپوۆا.
ول سونداي-اق تاماقتانۋ قۇنى 840 تەڭگەنى قۇرايتىنىن، بۇل ەلىمىز بويىنشا ەڭ جوعارى ەكەنىن اتاپ ءوتتى.
«دۇرىس تەڭدەستىرىلگەن تاماقتانۋ – بۇل ءبىزدىڭ بالالارىمىزدىڭ دەنساۋلىعى مەن تابىسىنىڭ كەپىلى»، - دەپ تولىقتىردى ول.