الماتىنىڭ باس بوتانيكالىق باعىندا «جاسىل رەيندجەر» ءبىلىم بەرۋ جوباسىنىڭ قورىتىندى ءىس-شاراسى ءوتتى.
ءۇش ايلىق بىرلەسكەن جۇمىستىڭ ناتيجەسىندە جاس ۆولونتەرلەرگە اعاشتاردى كۇتىپ باپتاۋ، سۋارۋدىڭ ءتيمىدى تۇستارى جايلى ءدارىس وقىلعان.
«قالاداعى اعاشتارعا ەرەكشە نازار اۋدارۋ قاجەت: ولار جابايى اعاشتارعا قاراعاندا ءالسىز بولادى، سوندىقتان ولار ۇنەمى باقىلاۋ مەن كۇتىمدى قاجەت ەتەدى. وسى جوبانىڭ ارقاسىندا مەن جاڭا ءبىلىم مەن داعدىلاردى يگەرىپ قانا قويماي، ءوزىمدى قورشاعان ورتانى جاقسارتۋعا ۇمتىلاتىن كوماندانىڭ ءبىر بولىگى رەتىندە سەزىندىم. مەن جوبا ۇيىمداستىرۋشىلارىنا وسى قۇندى جانە ماڭىزدى باستاماعا قاتىسۋعا مۇمكىندىك بەرگەنى ءۇشىن العىسىمدى بىلدىرەمىن. ءبىزدىڭ قىزمەتىمىز قالانى كوگالداندىرۋعا ۇلكەن ۇلەس تيگىزەدى دەگەن سەنىمدەمىن. دارىسكەرلەر بىزگە وسىمدىكتەرگە قالاي دۇرىس كۇتىم جاساۋ، اۋرۋلاردىڭ الدىن الۋ جانە اۋرۋ اعاشتاردى قالاي قالپىنا كەلتىرۋ تۋرالى قۇندى ءبىلىم بەردى»، - دەيدى جوبا قاتىسۋشىسى ايدانا سابيتوۆا.
وسى رەتتە، اعاشتارعا سۋ قۇيۋ ەرەكشەلىكتەرىنە توقتالا كەتسەك. ماۋسىم-شىلدە ايلارىندا جاس اعاشتاردى ءار اپتا سايىن سۋارۋ كەرەك - ءارقايسىسى ءۇشىن ەكى شەلەك سۋ قاجەت، ءبىراق 7 جاستان اسقان اعاشتاردى ەكى اپتا سايىن سۋارۋعا بولادى، ءبىراق سۋدىڭ مولشەرىن ەكى ەسە ارتتىرۋ كەرەك. تامىز ايىنان باستاپ باقشانىڭ جاس جانە كارى اعاشتارىن ايىنا ءبىر رەت سۋارۋ كەرەك. تامشىلاتىپ سۋارۋ ءادىسى وتە ءتيىمدى، سوندىقتان ونى مۇمكىندىگىنە قاراي ونى قولدانعان ءجون.
سۋارعان سوڭ نەمەسە قاتتى جاڭبىردان كەيىن جاس اعاشتاردىڭ جانىنداعى توپىراعىنا قاراشىرىك سەۋىپ، بىرنەشە سانتيمەترگە دەيىن توپىراقتى قوپسىتۋ قاجەت.
«جاسىل رەيندجەر» جوباسىنىڭ ەرەكشەلىگى – بيىل ونىڭ قورىتىندىسى بويىنشا اقپاراتتىق ماتەريالدار ازىرلەنەتىن بولادى: ولاردىڭ ىشىندە اۋرۋ اعاشتاردى دياگنوستيكالاۋ جانە ەمدەۋ جونىندەگى نۇسقاۋلىقتاردى قوسا العاندا، دارىستىك جانە پراكتيكالىق ساباقتار تۋرالى نەگىزگى اقپارات بولادى. بۇل جوبا اۋديتورياسىن كەڭەيتۋگە مۇمكىندىك بەرەدى»، - دەيدى Urban Forum Kazakhstan قق ديرەكتورى ءادىل نۇرماقوۆ.
ەسكە سالا كەتەيىك، 2023 جىلدىڭ ماۋسىمىنان قىركۇيەگىنە دەيىن كونكۋرستىق ىرىكتەۋدەن وتكەن 12 ۆولونتەر بوتانيكا جانە فيتوينترودۋكسيا ينستيتۋتىنىڭ جەتەكشى ماماندارىنان دارىستەر كۋرسىنان وتكەن.
