ءماجىلىس دەپۋتاتى باقىتجان بازاربەك جانكۇيەرلەر مەن ۋەلس فۋتبول فەدەراسياسىنىڭ شاعىمدارىنان كەيىن قازاقستانداعى فۋتبول ستاديوندارىنىڭ جاعدايىنا نارازىلىق ءبىلدىردى. ول جۇرت اسىعا كۇتىپ جۇرگەن "قايرات-رەال مادريد" ماچىن استانادا ۇيىمداستىرۋدى ۇسىندى، دەپ حابارلايدى Aqshamnews.kz ءتىلشىسى.
دەپۋتاتتىڭ سوزىنشە، شەتەلدىك جانكۇيەرلەر، سونىڭ ىشىندە "رەال مادريد" جانكۇيەرلەرى، ستاديونعا جانە جولدىڭ ۇزاقتىعىنا، قىركۇيەك ايىنىڭ اياعىنداعى سۋىق اۋا رايىنا دا نارازى بولۋى مۇمكىن.
"قازاقستاننىڭ ابىرويى ءۇشىن قاجەت بولسا نەگىزگى ارەناعا كوشىرەتىندەي فۋتبول فەدەراسياسى بار مۇمكىندىكتى قولدانۋى كەرەك"، – دەدى ول.
بازاربەك حالىقارالىق ماچتار ەلدىڭ بەدەلىن كورسەتۋى كەرەگىن اتاپ ءوتتى. ول قازاقستان فۋتبول فەدەراسياسىنا ەكى ستاديوننىڭ فورماتىن قاراستىرۋدى ۇسىندى: ماڭىزدى ويىنداردى "استانا ارەنادا"، ال دەڭگەيى تومەنىرەك قارسىلاستارمەن كەزدەسۋلەردى الماتىداعى "ورتالىق" ستاديونىندا وتكىزۋ – ەڭ ءتيىمدى شەشىم دەپ سانايتىنىن وتاندىق باق-تاردىڭ بىرىنە بەرگەن سۇحباتىندا ايتتى.
ەسكە سالايىق، 30 قىركۇيەكتە الماتىلىق "قايرات" فۋتبول كلۋبى چەمپيوندار ليگاسىنىڭ نەگىزگى كەزەڭىندە كورولدىك كلۋب رەال مادريدپەن تەكەتىرەسەدى. ويىن "ورتالىق ستاديوندا" وتەدى.