كەز كەلگەن قالانىڭ تۇرعىنى ءوزىنىڭ جوباسىنا قالا اكىمشىلىگىنىڭ نازارىن اۋدارا الادى.
قالا اكىمى باقىتجان ساعىنتايەۆ «الماتى» تەلەارناسىنداعى كەزەكتى تىكەلەي ەفير بارىسىندا ءبىرىڭعاي كوممۋنيكاسيالىق كەڭىستىك قۇرۋ تۋرالى حابارلادى، دەپ حابارلايدى Almaty-akshamy.kz.
يننوۆاسيالىق ەكوجۇيەنى دامىتۋ جونىندەگى ستراتەگيالىق مىندەتتەردى ىسكە اسىرۋ اياسىندا قالانىڭ ءىت-قوعامداستىق وكىلدەرى ءۇشىن ءبىرىڭعاي كوممۋنيكاسيالىق كەڭىستىك قۇرۋ جۇمىستارى اياقتالدى. بكك بارلىق ءبىلىم بەرۋ مەكەمەلەرىن، تەحنواركتەردى، اكسەلەراتورلاردى، ينكۋباتورلاردى جانە ءىت كومپانيالاردى ءبىر پلاتفورماعا بىرىكتىرەدى. قازىرگى كەزدە پلاتفورمادا 15-تەن استام ىت-كومپانيالار جانە 500-گە جۋىق ءىت-قوعامداستىق وكىلدەرى تىركەلگەن.
بۇدان وزگە، سيفرلاندىرۋ باسقارماسىنىڭ پورتالىندا الماتىنى وڭتايلاندىرۋ جانە سيفرلاندىرۋ بويىنشا يدەيالاردى ورنالاستىرۋ مۇمكىندىگى بار. كەز كەلگەن قالانىڭ تۇرعىنى ءوزىنىڭ جوباسىنا قالا اكىمشىلىگىنىڭ نازارىن اۋدارا الادى.
تەلەكوممۋنيكاسيالىق ينفراقۇرىلىم بەلسەندى دامىدى. بۇرىندارى، جىل ىشىندە قالاداعى بارلىق بايلانىس وپەراتورلارى 55-60 بازالىق ستانسيالاردى عانا سالاتىن. سوڭعى 12 ايدا ۇيالى بايلانىستىڭ قولجەتىمدى بولۋى ءۇشىن 200-دەن استام «كورىنبەيتىن» ايماقتار جابىلدى.
قالادا قوسىمشا ينتەرنەتكە جەلىسىز قوسىلۋدىڭ سارالانعان تەحنولوگياسىمەن جاڭا پيلوتتىق جوبا ىسكە اسۋدا، وسىنىڭ ارقاسىندا قالا تۇرعىنى قالانىڭ جاڭا شاعىن اۋداندارىندا 96 مبيت/سەك تۇراقتى سيگنال الۋ مۇمكىندىگىنە يە بولادى.
بۇل جاڭا جوبامەن المەرەك (600 عيمارات، 420 ابونەنت)، العاباس (1500 عيمارات، 1050 ابونەنت)، نۇرشاشقان (400 عيمارات، 280 ابونەنت)، تاۋسامالى (1000 عيمارات، 700 ابونەنت) شاعىن اۋداندارى قامتىلعان.
بيىلعى جىلى نۇرشاشقان جانە تاستىبۇلاق شاعىن اۋداندارىندا تالشىقتى-وپتيكالىق بايلانىس جەلىلەرى تارتىلادى، بۇل ساپالى ينتەرنەتكە قوسىلۋعا مۇمكىندىك بەرەدى. كەلەسى جىلى جەكە ينۆەستورلار الاتاۋ مەن ناۋرىزباي اۋداندارىنىڭ قالعان شاعىن اۋداندارىنا توبج جۇرگىزەدى.