قازاقستانعا رەسمي ساپارمەن ۆەنگريا پرەمەر-مينيسترى ۆيكتور وربان كەلدى، دەپ حابارلايدى almaty-akshamy.kz
ساپار بارىسىندا ەكى جاقتى ساۋدا-ەكونوميكالىق، ينۆەستيسيالىق جانە مادەني-گۋمانيتارلىق بايلانىستى ودان ءارى كەڭەيتۋگە قاتىستى كەلىسوز جۇرەدى. ساراپشىلاردىڭ ايتۋىنشا، تامىرلاس ەلدەر تابىستى ىنتىماقتاستىققا مۇددەلى.
قازاقستان مەن ماجارستاننىڭ بەرىك بايلانىسىن تاريحتىڭ ءوزى ءبىز ءۇشىن شەشىپ قويعان. ءالىمساقتان تۇركىلەردىڭ ۇرپاعى سانالاتىن ماجارلارمەن ءدىلىمىز بەن مادەنيەتىمىز ۇقساس. قازاقستان تاۋەلسىزدىك العاننان كەيىن دە ۆەنگريا العاشقىلاردىڭ ءبىرى بولىپ ستراتەگيالىق سەرىكتەستىك تۋرالى دەكلاراسياعا قول قويدى. ديپلوماتيالىق قارىم-قاتىناس 1992 جىلى 2 ساۋىردە باستالدى. سودان بەرى ساۋدا-ەكونوميكالىق بايلانىس بەلسەندى دامىپ، ءتۇرلى سالادا ىنتىماقتاستىققا قول جەتتى.
بيىل قازاقستان مەن ماجارستاننىڭ تاۋار اينالىمى شامامەن 25 پايىزعا ءوسىپ، 130 ملن دوللارعا جۋىقتادى. 2005 جىلدان بەرى ماجارلار ەكونوميكامىزعا 318 ملن دوللار ينۆەستيسيا سالدى. قازاقتىڭ قالتالىلارى دا تامىرلاس ەلگە از-ماز قارجى قۇيىپ وتىر. ەكونوميستەردىڭ پايىمىنشا، ساپار كەزىندە مۇناي جانە ءبىلىم سالاسىنداعى ىنتىماقتاستىققا باسىمدىق بەرىلەدى.