پوليورتالىقتاردى دامىتۋدىڭ نەگىزى رەتىندە تاريحي ورتالىق الىنادى.
الماتىدا ءبىر ورتالىقتىڭ ورنىنا «سولتۇستىك»، «باتىس»، «وڭتۇستىك-باتىس»، «شىعىس قاقپاسى» جانە «تاريحي ورتالىق» سياقتى بەس ورتالىق پايدا بولادى. قالا حالقىنىڭ باسىم بولىگى سولاردا تۇرادى دەپ بولجانۋدا. بۇل تۋرالى «الماتى قالاسىن 2025 جىلعا دەيىن دامىتۋ باعدارلاماسى جانە 2030 جىلعا دەيىنگى نەگىزگى باسىمدىقتار» قۇجاتىندا ايتىلعان، دەپ حابارلايدى Almaty-akshamy.kz.
پوليورتالىقتاردى دامىتۋدىڭ نەگىزى رەتىندە تاريحي ورتالىق الىنادى، ويتكەنى ول قالا تۇرعىندارى، كاسىپكەرلەر مەن تۋريستەر ءۇشىن تارتىمدى.
مىسالى، «سولتۇستىك» پوليورتالىعى – جوبا بويىنشا الماتى-1 تەمىرجول ستانسياسىنا ىرگەلەس اۋماقتا ورنالاساتىن بولادى. ءوندىرىس پەن بازارلاردى وسى ايماقتان الىپ تاستاۋ ۇسىنىلادى. بۇل رەتتە اۋماقتاردىڭ ءبىر بولىگى رەكرەاسيا مەن كوگالداندىرۋ (ۇاك بويى، باۋم توعايى) ءۇشىن پايدالانىلاتىن بولادى. بۇدان باسقا، پوليورتالىقتا قىزمەت كورسەتۋ سالاسى بەلسەندى داميدى.
«شىعىس قاقاپاسى» پوليورتالىعى تالعار جانە قۇلجا تراكتىلەرى اۋماعىندا قۇرىلادى ءارى اۋەجاي اۋدانىنداعى لوگيستيكالىق حاب پەن كورمە-ويىن-ساۋىق ورنىنا اينالادى.
«باتىس» پوليتورتالىعىن ساين جانە رىسقۇلوۆ داڭعىلدارىنىڭ قيىلىسىنان سولتۇستىك-باتىسقا قاراي دامىتۋ جوسپارلانعان. ونىڭ اۋماعىندا يندۋستريالىق كاسىپورىندار، كولىك-لوگيستيكالىق حاب ورنالاسادى.
«وڭتۇستىك-باتىس» پوليورتالىعى رايىمبەك داڭعىلى مەن ۇزاراتىن الاتاۋ كوشەسىنىڭ قيىلىسىندا ورنالاسادى. بۇل جەردە شاعىن-ونەركاسىپتىك پاركتەر، ساۋدا جانە لوگيستيكا وبەكتىلەرىن ورنالاستىرۋ جوسپارلانۋدا. سونداي-اق، ول اگروونەركاسىپتىك وڭدەۋ وبەكتىلەرىمەن، ساۋدا-لوگيستيكالىق كەشەندەرمەن جانە اكىمشىلىك-ىسكەرلىك ورتالىقتارمەن تولىقتىرىلاتىن بولادى.
«تاريحي ورتالىق» الماتىنىڭ وزەگى بولىپ قالا بەرەدى. مۇندا ينفراقۇرىلىم، قىزمەت كورسەتۋ سالاسى جانە تۋريستىك باعىتتار ودان ءارى داميتىن بولادى. ەلدى مەكەندەردىڭ تەڭگەرىمدى جانە ءتيىمدى تىعىزدىعىن جانە اۋداندى قوعامدىق، كوممەرسيالىق جانە باسقا وبەكتىلەرمەن تولتىرۋدى ەسكەرە وتىرىپ، پوليورتالىقتاردى دامىتۋ ەكونوميكالىق بەلسەندىلىكتىڭ وسۋىنە جانە كوشەلەردىڭ الەۋمەتتەنۋىنە ىقپال ەتەدى.
بۇل رەتتە بارلىق اۋداندار ىقپالداستىق پەن كوشەلەر جەلىسىنىڭ بايلانىسى ەسەبىنەن بىر-بىرىنەن جانە تاريحي ورتالىقتان وقشاۋلانبايدى. كەرىسىنشە، قالا تۇرعىندارى قالانىڭ كەز-كەلگەن جەرىنە وڭاي بارا الادى.
مۇنداي قوزعالىستاردىڭ دالىزدەرى تاسىمالداۋ، ساۋدا، مادەني دەمالىس، ويىن-ساۋىق جانە ت.ب. سالالارداعى بيزنەس ءۇشىن تارتىمدى بولۋى مۇمكىن. ەكونوميكالىق مامانداندىرۋدى ەسكەرە وتىرىپ، پوليورتالىقتار قۇرىلىمىن قالىپتاستىرۋدى 2030 جىلعا قاراي اياقتاۋ جوسپارلانۋدا.