پوليورتالىقتاردا مەديسينالىق قىزمەتتەردىڭ قولجەتىمدىلىگىن جاڭا سالىنىپ جاتقان تۇرعىن ۇيلەر مەن كەشەندەرگە العاشقى مەديسينالىق-سانيتارلىق كومەك وبەكتىلەرىن ورنالاستىرۋ كەزىندە ىسكە اسىرۋ جوسپارلانۋدا دەپ حابارلايدى almaty-akshamy.kz
وسىنىڭ ارقاسىندا مەديسينالىق قىزمەتتەر جاڭا اۋدانداردىڭ 120 مىڭنان استام تۇرعىندارى ءۇشىن قولجەتىمدى بولادى. بۇل تۋرالى «الماتىنى 2025 جىلعا دەيىن دامىتۋ باعدارلاماسى جانە 2030 جىلعا دەيىنگى نەگىزگى باسىمدىقتاردا» ايتىلعان.
بۇدان باسقا، 2025 جىلدىڭ سوڭىنا دەيىن بيۋدجەت ەسەبىنەن ناۋرىزباي، الاتاۋ، مەدەۋ جانە تۇركسىب اۋداندارىندا 170-190 مىڭ قالا تۇرعىنىنا قىزمەت كورسەتەتىن كەمىندە 17 وتباسىلىق-دارىگەرلىك امبۋلاتوريالار مەن تولىققاندى ەمحانالار سالىناتىن بولادى.
بيۋدجەت ەسەبىنەن 2025 جىلدىڭ سوڭىنا دەيىن 10 مىڭ ورىندىق بالاباقشا سالىنادى. قۇرىلىس سالۋشىلارمەن جاسالعان مەموراندۋم بويىنشا 2025 جىلدىڭ سوڭىنا دەيىن 10 مىڭ ورىنعا ارنالعان بالاباقشالار سالۋ قاراستىرىلعان،2030 جىلعا قاراي بالاباقشالاردا تاعى 5 مىڭ ورىن پايدا بولادى.