2025 جىلدىڭ سوڭىنا دەيىن قالادا 71 مەكتەپ سالۋ جوسپارلانۋدا، ونىڭ ىشىندە قالالىق بيۋدجەت ەسەبىنەن – 23 مەكتەپ جانە قوسالقى نىساندار، ال قالعاندارى – جەكە قاراجات ەسەبىنەن، ونىڭ ىشىندە قۇرىلىس سالۋشىلارمەن جاسالعان مەموراندۋمدار اياسىندا 16 مەكتەپ جانە قوسالقى نىساندار سالۋ. بۇل تۋرالى «الماتىنى 2025 جىلعا دەيىن دامىتۋ باعدارلاماسى جانە 2030 جىلعا دەيىنگى نەگىزگى باسىمدىقتاردا» ايتىلعان، دەپ حابارلايدى اlmaty-akshamy.kz.
بۇدان باسقا، 2025 جىلدىڭ سوڭىنا دەيىن الاتاۋ، بوستاندىق، ناۋرىزباي جانە تۇركسىب اۋداندارىندا قوسىمشا ءبىلىم بەرۋدى دامىتۋ بويىنشا 4 زاماناۋي ورتالىق قۇرىلاتىن بولادى.
الەۋمەتتىك نىساندار سالىنىپ جاتقان تۇرعىن ءۇي كەشەندەرىنىڭ ءبىرىنشى قاباتتارىنا ورنالاستىرىلادى. عيماراتتاردى ارالاس پايدالانۋ 2024 جىلدان باستاپ سولتۇستىك جانە شىعىس قاقپاسى پوليورتالىقتارىندا العاشقى تۇرعىن ءۇي كەشەندەرىنىڭ تاپسىرىلۋىمەن سىنالاتىن بولادى.
وسىلايشا، پوليورتالىقتار الاڭىندا قاجەتتى ينفراقۇرىلىمى مەن فۋنكسيالار بار قىزمەتتەر جيىنتىعى ناتيجەسىندە ءقاۋىپسىز تاتۋ كورشىلىك ورتا قالىپتاساتىن بولادى