قازاقستاننىڭ ەڭبەك سىڭىرگەن قايراتكەرى ءجۇرسىن ەرمان مەملەكەت باسشىسىنىڭ حالىققا جولداۋىندا كەزەكتەن تىس پرەزيدەنت سايلاۋىن وتكىزۋ تۋرالى مالىمدەمەسىنە قاتىستى پىكىرىن ءبىلدىردى، دەپ حابارلايدى almaty-akshamy.kz Almaty.tv. سىلتەمە جاساپ
«ەل پرەزيدەنتى قاسىم-جومارت توقايەۆ حالىققا ارناعان جولداۋىندا كەزەكتەن تىس پرەزيدەنت سايلاۋىن وتكىزۋ تۋرالى ۇسىنىسىن ءبىلدىردى. وسى ماسەلە توڭىرەگىندە اڭگىمە ءجۇرىپ جاتىر. بىرىنشىدەن، بۇل ۇسىنىس قابىلدانسا، ەندىگىدە ق ر پرەزيدەنتى ءبىر رەتتىك 7 جىلدىق مەرزىمگە سايلانا الادى. قايتادان سايلاۋعا تۇسە المايدى. بۇل كونستيتۋسيالىق نورما بولادى. مۇنىڭ نە ارتىقشىلىعى بار؟ بىرىنشىدەن، 7 جىل - تاريح ءۇشىن ۇلكەن ۋاقىت. 7 جىلعا پرەزيدەنت سايلاۋ - پوستكەڭەستىك ەلدەردىڭ تاجىريبەسىندە بولماعانىمەن، الەمدىك تاجىريبەدە بار نارسە. يزرايلدە، ارمەنيادا سونداي. فرانسيادا دا سايلاۋدىڭ وسى ءتۇرىن قاراستىرىپ جاتىر. 7 جىلدىق مەرزىمگە پرەزيدەنت سايلاۋ جوعارى بيلىكتى مونوپوليزاسيالاۋعا مۇمكىندىك بەرمەيدى. قايتادان سايلانبايتىنىن بىلگەن پرەزيدەنت 7 جىل ىشىندە الاڭسىز ەلدىڭ ىشكى-سىرتقى ماسەلەلەرىن شەشۋمەن اينالىسادى. كەلەسى جىلى سايلاۋدان وتەم بە، وتپەيمىن بە دەپ باس قاتىرمايدى»، - دەيدى ءجۇرسىن ەرمان.
ونىڭ سوزىنشە، پرەزيدەنتتىڭ باستاماسىمەن ەلىمىزدە ۇلكەن ساياسي وزگەرىستەر بولىپ جاتىر.
«ەلىمىزدە ءبىراز ساياسي وزگەرىستەر بولىپ جاتىر. قاسىم-جومارت توقايەۆ ءبىرتالاي وزگەرىستەردى باستاپ تا كەتتى. پرەزيدەنتىمىزدىڭ ءوزى باستاعان ۇلكەن رەفورمالاردى ءوزى اياقتاۋىنا مۇمكىندىك بەرۋىمىز كەرەك. وعان ۋاقىت كەرەك»، - دەپ پىكىرىن ءبولىستى اقىن.
ءجۇرسىن ەرماننىڭ ايتۋىنشا، توقايەۆتىڭ بيلىك باسىندا وتىرۋىنا لايىق ەكەنىن حالىق تا ءبىلىپ وتىر. سونداي-اق پرەزيدەنتىمىز وسى كەزدە قازاقستاننىڭ ابىرويىن بيىككە كوتەرىپ، باسقالاردىڭ دوق كورسەتۋىنە مۇمكىندىك بەرمەي، ءوزىنىڭ بەرىك پوزيسياسىن ۇستانىپ، ءبىر ەلدىڭ تىزگىنىن ۇستاپ وتىر دەيدى اقىن.
«الەۋمەتتىك جەلىدەن ەستىپ-بىلىپ وتىرمىز، وپپوزيسيالىق كۇشتەر توقايەۆقا قارسى كانديدات ۇسىنباقشى. ءبىراق قازىرگى كەزدە توقايەۆپەن تەڭ تۇسە الاتىن ادامنىڭ جوقتىعىن حالىق تا كورىپ وتىر. توقايەۆ پرەمەر-مينيستر دە بولدى، سەناتتى دا باسقاردى، بۇۇ-دا دا باس حاتشىنىڭ ورىنباسارى بولىپ قىزمەت ەتتى. ول – حالىقارالىق دەڭگەيدە بەدەلگە يە بولعان اسا تاجىريبەلى ديپلومات، قانشا جىل بيلىكتە جۇرسە دە، سوڭىنان ءسوز ەرمەگەن ادام. قازىرگى كەزدە الپاۋىت مەملەكەتتەر بىر-بىرىمەن تىرەسىپ جاتىر، سوعىس تا بولىپ جاتىر. پرەزيدەنتىمىز وسى كەزدە قازاقستاننىڭ ابىرويىن بيىككە كوتەرىپ، باسقالاردىڭ دوق كورسەتۋىنە مۇمكىندىك بەرمەي، ءوزىنىڭ بەرىك پوزيسياسىن ۇستانىپ، ءبىر ەلدىڭ تىزگىنىن ۇستاپ وتىر. سوندىقتان دا ونىمەن تەرەزەسى تەڭ كەلەتىن باسقا ءىرى تۇلعا ءقازىر كورىنىپ تۇرعان جوق»، - دەدى اقىن.
اقىن حالىقتىڭ 7 جىلدىق مەرزىمگە سايلاۋعا كەلىسىم بەرىپ، سايلاۋدا توقايەۆتى قولدايتىنىنا كامىل سەنەدى.