الماتىدا جول ينفراقۇرىلىمىن دامىتۋ اياسىندا قالا اكىمى ەربولات دوسايەۆتىڭ تاپسىرماسىمەن جولايىرىقتار سالۋ، ماگيسترالدىق جولدار مەن راديالدى كوشەلەردى ۇزارتۋ جۇمىستارى جۇرگىزىلۋدە.
2024 جىلدىڭ سوڭىندا سەيفۋللين داڭعىلى مەن جانسۇگىروۆ كوشەسىنىڭ قيىلىسىندا جولايرىق اشۋ جوسپارلانىپ وتىر. جوبا اياسىندا سەيفۋللين داڭعىلىندا كولىكتەردىڭ كەدەرگىسىز ءجۇرۋى ءۇشىن جالپى ۇزىندىعى 690 مەتر بولاتىن ەكى تۇنەل سالۋ كوزدەلگەن. جانسۇگىروۆ كوشەسىندە 4 جەر ءۇستى جاياۋ جۇرگىنشىلەر وتكەلى سالىنىپ، تروتۋارلار جانە كوگالداندىرۋ قاراستىرىلعان، دەپ حابارلايدى اlmaty-akshamy.kz.
بيىلعى جىلدىڭ 3-توقسانىندا سايىن كوشەسى مەن موڭكە بي كوشەسىنىڭ قيىلىسىنداعى جولايىرىقتى اشۋ جوسپارلانعان. بۇل «جوڭىشقا جاپىراعى» تيپتەس جولايىرىق، ءتۇرلى باعىتى ءارى كىرەبەرىسى بولادى. ۇزىندىعى 2،3 كم بولاتىن تروتۋارلار مەن ۆەلوجولدار سالۋ قاراستىرىلعان.
بۇعان قوسا، 2024 جىلدىڭ سوڭىنا دەيىن ەكى كوشەنى ۇزارتۋ اياقتالادى. ءبىرىنشىسى – سايىن كوشەسىنىڭ بويىمەن رىسقۇلوۆ داڭعىلىنان اقىن سارا كوشەسىنە دەيىنگى جالپى ۇزىندىعى 3،2 كم جول. مومىش ۇلى كوشەسىندەگى كولىك جۇكتەمەسى 30%-عا تومەندەيدى دەپ بولجانىپ وتىر. ەكىنشىسى – اباي داڭعىلىنان ب.مومىش ۇلى كوشەسىنەن قالا شەكاراسىنا دەيىن. جالپى ۇزىندىعى 5،3 كم بولاتىن كوشەنى ۇزارتۋ مەگاپوليس ورتالىعىنان ءۇاااج-دان باتىس باعىتتا قوسىمشا ءدالىزدى قامتاماسىز ەتەدى.
ءقازىر رىسقۇلوۆ داڭعىلىن ف.وڭعارسىنوۆا كوشەسىنەن قالا شەكاراسىنا دەيىن ۇزارتۋ قولعا الىنعان. ۋچاسكەنىڭ جالپى ۇزىندىعى – 2،3 كم. كەلەسى جىلى تىلەندييەۆ كوشەسىن رىسقۇلوۆ داڭعىلىنان قالا شەكاراسىنا دەيىن ۇزارتۋ باستالادى. بۇگىندە جوبالاۋ-سمەتالىق قۇجاتتاما ازىرلەنىپ جاتىر. ونىڭ جالپى ۇزىندىعى 10،5 كم. ءدال وسى كەزەڭدە سولتۇستىك اينالما كوشەسىن ۇزىندىعى 1،2 كم بولاتىن قالا شەكاراسىنا دەيىنگى ۇزارتۋدى باستاۋ كوزدەلگەن.