الەم بويىنشا 6 مىڭعا جۋىق قار بارىسى قالعان.
سامارقاندا باس قوسقان ساراپشىلار الەمدە سيرەك كەزدەسەتىن اڭدى ساقتاپ قالۋدىڭ جاھاندىق باعدارلاماسىن جۇزەگە اسىرۋعا ۋاعدالاستى، دەپ حابارلايدى Almaty-akshamy.kz
قار بارىسىن قورعاۋدى بىرنەشە مەملەكەت بىرىگىپ قولعا الادى. جيىنعا قازاقستاندىق ەكولوگتار دا قاتىستى. تاۋلى ايماقتى مەكەندەيتىن بارىس الەمنىڭ 12 ەلىندە كەزدەسەدى. سونىڭ ءبىرى – قازاقستان. جاھاندىق جىلىنۋ مەن مۇزدىقتاردىڭ ەرۋى سالدارىنان بارىستار جۇرەتىن ەكوجۇيە تارىلىپ بارادى. سوندىقتان ىنتىماقتاسا ارەكەت ەتۋدىڭ ماڭىزى زور.
بارىس مەكەندەيتىن ەلدەردىڭ ەكولوگيا مينيسترلەرى مەن حالىقارالىق قارجى ۇيىمدارىنىڭ وكىلدەرى بىرلەسىپ، قار بارىسىن قورعاۋ بويىنشا قارار قابىلدادى.
«قازاقستاندا قار بارىسىنىڭ تۇراقتى ءوسىمى بايقالادى، بۇل قۋانتارلىق جاعداي. ءقازىر ەلىمىزدە بارىستاردىڭ سانى 190-عا جۋىقتايدى. 15 قورىق پەن ۇلتتىق ساياباقتاردى مەكەندەيتىن بۇل جابايى اڭ مەملەكەتتىڭ ەرەكشە قورعاۋىندا. قار بارىسىنىڭ پوپۋلياسياسىن ساقتاۋ بويىنشا جۇرگىزىلگەن شارالار وڭ ناتيجەسىن بەرىپ كەلەدى»، دەدى ق ر عجم زوولوگيا ينستيتۋتىنىڭ وكىلى، قار بارىسىن باقىلاۋ ورتالىعىنىڭ جەتەكشىسى الەكسەي گراچيەۆ.