وتكەن جىلدىڭ قورىتىندىسى بويىنشا الماتىدا 73،9 مىڭ جۇمىس ورنى قۇرىلدى. ولاردىڭ 61،5 مىڭى تۇراقتى ەكەنىن اتاپ ءوتۋ ماڭىزدى، دەپ حابارلايدى aqshamnews.kz
قالا اكىمدىگىنىڭ جۇمىسىنداعى ماڭىزدى باسىمدىق الماتىلىقتاردىڭ ءال-اۋقاتىن ارتتىرۋ بولىپ تابىلادى. وتكەن جىلدىڭ 9 ايىندا اعىمداعى ينفلياسيانى ەسكەرە وتىرىپ، الماتىدا ورتاشا ايلىق جالاقى ناقتى ماندە 6،1% - عا ءوسىپ، 470 مىڭ تەڭگەنى قۇرادى.
وتكەن جىلى 73،9 مىڭ جۇمىس ورنى قۇرىلدى. قۇرىلعان جۇمىس ورىندارىنىڭ 83،2% - ى تۇراقتى. ناتيجەسىندە الماتىدا جۇمىسسىزدىق دەڭگەيى 2024 جىلدىڭ ءۇشىنشى توقسانىندا 4،6% - عا دەيىن تومەندەدى.
وڭدەۋ ونەركاسىبى - قالا ەكونوميكاسىن ءارتاراپتاندىرۋدىڭ نەگىزگى فاكتورى. الماتى يندۋستريالدى ايماقتا 485 ملرد تەڭگە سوماسىنا 67 جوبا ىسكە اسىرىلۋدا، مۇندا 11،6 مىڭ جۇمىس ورنى قۇرىلدى. 2025 جىلى 2،7 مىڭ جۇمىس ورنىن قۇرۋمەن 197 ملرد تەڭگەگە 15 جوبانى ىسكە قوسۋ جوسپارلانۋدا. «يتپ» اەا-دا 220 جۇمىس ورنىن قۇرۋمەن 31 ملرد تەڭگەگە 13 جوبا ىسكە اسىرىلۋدا. بيىل 10 ملرد تەڭگەگە 5 جوبا پايدالانۋعا بەرىلەدى دەپ كۇتىلۋدە، بۇل 361 جۇمىس ورنىن قامتاماسىز ەتەدى.
مەگاپوليستە جىلدىق ينفلياسيا 7،5%- عا دەيىن تومەندەيدى دەپ بولجانۋدا.