28 قاڭتاردا پرەزيدەنتتىڭ توراعالىعىمەن ۇكىمەتتىڭ كەڭەيتىلگەن وتىرىسى وتەدى
28 قاڭتاردا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى وتەدى، دەپ حابارلايدى Aqshamnews.kz
وتىرىس بارىسىندا ەلدىڭ الەۋمەتتىك-ەكونوميكالىق دامۋى، قارجى تۇراقتىلىعى، ۇلتتىق ەكونوميكانىڭ ماڭىزدى باعىتتارى، سونداي-اق مەملەكەتتىك باعدارلامالاردىڭ ورىندالۋ ناتيجەلەرى تالقىلانادى. قازىرگى ەكونوميكالىق احۋالعا بايلانىستى ازاماتتاردىڭ ءال-اۋقاتىن ارتتىرۋ، ينفلياسيانى باقىلاۋ جانە ينۆەستيسيالىق تارتىمدىلىقتى كۇشەيتۋ ماسەلەلەرى كۇن تارتىبىنە قويىلادى.
وتىرىستا پرەمەر-مينيستر ولجاس بەكتەنوۆ، ۇلتتىق بانك ءتوراعاسى تيمۋر سۇلەيمەنوۆ، سونداي-اق ءبىرقاتار ءوڭىر اكىمدەرى بايانداما جاسايدى دەپ جوسپارلانۋدا.
كەڭەيتىلگەن وتىرىس بارىسىندا مەملەكەتتىك ورگانداردىڭ جۇمىس ناتيجەلەرى جان-جاقتى تالدانىپ، ناقتى باعا بەرىلەدى. جىل باسىنداعى مۇنداي فورماتتاعى جيىنداردا ماڭىزدى شەشىمدەر قابىلداناتىنى بەلگىلى. وسىعان بايلانىستى، كەيبىر مينيسترلىكتەر مەن ءوڭىر اكىمدىكتەرىندە كادرلىق وزگەرىستەر بولۋى مۇمكىن دەگەن بولجامدار بار.
مەملەكەت باسشىسى الدىڭعى كەڭەيتىلگەن وتىرىستاردا ناتيجەسىز جۇمىس ىستەگەن مەملەكەتتىك ورگاندار مەن لاۋازىمدى تۇلعالاردى سىنعا العان ەدى. بۇل جولى دا ناقتى تاپسىرمالار مەن قاتاڭ تالاپتار قويىلىپ، مەملەكەتتىك ورگانداردىڭ جاۋاپكەرشىلىگى كۇشەيتىلۋى مۇمكىن.
قوعامدا كەيبىر مينيسترلىكتەر مەن اكىمدىكتەردىڭ قىزمەتىنە قاتىستى سىندار ايتىلىپ جۇرگەنىن ەسكەرسەك، پرەزيدەنتتىڭ وسى باعىتتا كادرلىق وزگەرىستەر ەنگىزۋى ىقتيمال. سونىمەن قاتار، ۇكىمەتتىڭ جۇمىسىن وڭتايلاندىرۋ ماقساتىندا جاڭا باستامالار مەن رەفورمالار جاريالانۋى مۇمكىن.
ۇكىمەتتىڭ كەڭەيتىلگەن وتىرىسى مەملەكەتتىك باسقارۋ جۇيەسىن جەتىلدىرۋگە، ەكونوميكالىق تۇراقتىلىقتى قامتاماسىز ەتۋگە جانە ازاماتتاردىڭ ءومىر ءسۇرۋ ساپاسىن ارتتىرۋعا باعىتتالعان ناقتى شەشىمدەر قابىلداۋعا نەگىز بولادى. الداعى وتىرىس كادرلىق اۋىس-تۇيىستەر مەن جاڭا رەفورمالاردىڭ باستاماسى بولۋى ىقتيمال.