بۇگىن الماتى قالاسىنىڭ وڭىرلىك كوممۋنيكاسيالار قىزمەتىندە الماتىنىڭ ادىلەت دەپارتامەنتىنىڭ باسشىسى بالايىم كەسەبايەۆانىڭ قاتىسۋىمەن بريفينگ ءوتتى، دەپ حابارلايدى aqshamnews.kz.
ءىس-شارا بارىسىندا رەسمي قۇجاتتارعا اپوستيل قويۋ بويىنشا جۇمىستىڭ قورىتىندىلارى، سونداي-اق اعىمداعى جىلدىڭ توعىز ايىنداعى تىركەۋ قىزمەتى قىزمەتىنىڭ ناتيجەلەرى ۇسىنىلدى.
كەسەبايەۆا ەسەپتى كەزەڭدە «ق ر مەملەكەتتىك ورگاندارى مەن نوتاريۋستارىنان شىعاتىن رەسمي قۇجاتتارعا اپوستيل قويۋ» مەملەكەتتىك قىزمەتىن الۋعا 32 036 ءوتىنىش بەرىلگەنىن اتاپ ءوتتى.
“ونىڭ ىشىندە 546 ءوتىنىش E-اپوستيل جۇيەسى ارقىلى، ال 31 490 ءوتىنىش حالىققا قىزمەت كورسەتۋ ورتالىقتارى ارقىلى كەلىپ ءتۇستى. بارلىعى 31 165 قۇجاتقا اپوستيل قويىلدى: 30 815 قاعاز تۇرىندە جانە 350 ەلەكتروندىق نىساندا. الماتى وسى سالادا كورسەتىلگەن مەملەكەتتىك قىزمەتتەر سانى بويىنشا ءبىرىنشى ورىندا”، - دەپ اتاپ ءوتتى سپيكەر.
سونداي-اق تىركەۋ قىزمەتى جەلىسى بويىنشا جىلجىمايتىن مۇلىككە 161 858 قۇقىق تىركەلدى، بۇل وتكەن جىلدىڭ سايكەس كەزەڭىمەن سالىستىرعاندا 40% - عا ارتىق. بۇگىنگى تاڭدا اۋداندىق احاج-دا 43 928 ازاماتتىق حال اكتىلەرى تىركەلگەن، بۇل 2023 جىلدىڭ سايكەس كەزەڭىمەن سالىستىرعاندا 1% - عا ارتىق، بۇل وڭ ءۇردىس بولىپ تابىلادى.
كورسەتىلگەن مەملەكەتتىك قىزمەتتەردىڭ قورىتىندىسى بويىنشا اعىمداعى جىلدىڭ توعىز ايىندا 57 530 590 تەڭگەدەن استام مەملەكەتتىك باج ءوندىرىلدى. ازاماتتىق حال اكتىلەرىن تىركەۋ 1% - عا ءوستى، تىركەلگەن ءولىم سانى 6،4% - عا ءوستى، تۋۋ كوەففيسيەنتى 1،7% - عا تومەندەدى، نەكە سانى 3،6% - عا ءوستى، ال اجىراسۋ 3،6% - عا ازايدى.
بالايم كەسەبايەۆا وسى جەتىستىكتەردىڭ ماڭىزدىلىعىن اتاپ ءوتىپ، الماتى ازاماتتارىنىڭ مۇددەسى ءۇشىن تىركەۋ قىزمەتىنىڭ جۇمىسى ودان ءارى جاقسارا تۇسەتىنىنە ءۇمىت ءبىلدىردى.