الداعى ۋاقىتتا الماتىدا قوعامدىق ورىندار سانى كوبەيەدى. بۇل تۋرالى وكق بريفينگىندە الماتى اكىمى ەربولات دوسايەۆ مالىمدەدى.
2023 جىلى الماتىدا 6 قوعامدىق كەڭىستىك اباتتاندىرىلدى (وقۋشىلار سارايى، قبتۋ، بايسەيىتوۆا كوشەسى، جەلتوقسان ساياباعى، كوكمايسا ى/ا، اۋەجايداعى داڭق الاڭى). جالپى اۋدانى 64،8 گا.
«بۇل قالاداعى وتە تانىمال ساياباق ايماقتارى. بۇل ايماقتار رەتكە كەلتىرىلىپ، حالىق يگىلىگىنە بەرىلدى. ءبىزدىڭ 2024-2025 جىلدارعا ارنالعان ۇلكەن جوسپارىمىز بار. ويتكەنى ازىرلەۋ پروسەسىندە كوپتەگەن جوبالار بار. قاراجات جاعى دا قاراستىرىلىپ قويدى. ونىڭ ۇستىنە جاسىل الماتىعا قاتىستى دا كەرەمەت جوسپارلار دايىن"، - دەپ اتاپ ءوتتى ەربولات دوسايەۆ.
قالا باسشىسىنىڭ ايتۋىنشا، پانفيلوۆ كوشەسىندەگى جاياۋ جۇرگىنشىلەر ايماعىنان بولەك ساتبايەۆ كوشەسىنەن جامبىل كوشەسىنە دەيىن (ۇزىندىعى 2 كم) بايسەيىتوۆا كوشەسىن اباتتاندىرۋ جۇمىستارى اياقتالدى. وسىلايشا رەسپۋبليكا الاڭىنان اباي اتىنداعى قۇوجب تەاترىنا دەيىنگى ءبىرىڭعاي جاياۋ جۇرگىنشىلەر ايماعى قۇرىلدى.
«سونداي-اق بىزدە پۋشكين كوشەسىنە قاتىستى جوسپارىمىز بار. ماقاتايەۆتان رايىمبەككە دەيىنگى جوسپارلار ءىس جۇزىندە بەكىتىلدى. ەندى ءبىز بۇل جوسپاردى ماقاتايەۆتان گوگول كوشەسىنە دەيىن جەتكىزسەك دەيمىز. سونىمەن قاتار، اۋەزوۆ، الاتاۋ، جەتىسۋ، تۇركسىب اۋداندارىندا دا وسىنداي جاياۋ جۇرگىنشىلەر ايماعىن قۇرعىمىز كەلەدى. جوبا دايىن بولعان كەزدە ونىمەن ءبولىسىپ، قايدا جانە نە ىستەيتىنىمىزدى كورسەتەمىز. مەنىڭ ويىمشا، قالا دۇرىس باعىتتا دامىپ كەلەدى جانە قوعامدىق كەڭىستىكتەر كوپ بولادى"، - دەدى ەربولات دوسايەۆ.
انىقتاما ءۇشىن:
قازىرگى ۋاقىتتا الماتىدا ەسەنتاي وزەنىنىڭ بويىنداعى جاعالاۋلاردى اباتتاندىرۋ جۇمىستارى جۇرگىزىلۋدە. جەتىسۋ اۋدانىنداعى كوكمايسا (ۇزىندىعى 1،8 كم) جانە الاتاۋ اۋدانىنا قاراستى كوك-قاينار ى/ا بورالداي وزەنى. (ۇزىندىعى 2،2 كم).
كەلەسى جىلى ەسەنتاي وزەنىن (سۋ بولگىشتەن مەدەۋگە دەيىن، ۇزىندىعى 6،2 كم) جانە ءۇ.الماتى (تۇڭعىش پرەزيدەنت ساياباعىنان سايران كولىنە دەيىن،ۇزىندىعى 7،1 كم) وزەندەرىنىڭ بويىنداعى جاعالاۋلاردى رەكونسترۋكسيالاۋ جوسپارلانۋدا. سونىمەن قاتار، 2024 جىلى جاياۋ جۇرگىنشىلەرگە باعدارلانعان ۇزىندىعى 17 كم رايىمبەك داڭعىلىن قايتا قۇرۋ جوسپارلانۋدا.
گوگول كوشەسىنەن رايىمبەك باتىر داڭعىلىنا دەيىنگى ۇزىندىعى 1،1 كم پۋشكين كوشەسىندەگى جاياۋ جۇرگىنشىلەر ايماعىن اباتتاندىرۋ بويىنشا قوسىمشا جوبا ازىرلەنۋدە.
سونىمەن قاتار، جەتى كوشەدە جاياۋ جۇرگىنشىلەر ينفراقۇرىلىمىن دامىتۋ جوسپارلانۋدا:
1. رادوستوۆەس كوشەسى، ابايا داڭعىلىنان تولە بي كوش.دەيىن، ۇزىندىعى 1،39 كم؛
2. ماكاتايەۆ كوشەسىنەن ك.الماتى وزەنىنەن ەسەنتاي وزەنىنە دەيىن، ۇزىندىعى 4،44 كم؛
3. جاندوسوۆ كوشەسى، ماناستان ءۇ.الماتى وزەنىنە دەيىن ۇزىندىعى 3،11 كم؛
4. ساتبايەۆتان بايزاقوۆ كوشەسىنەن تىلەندييەۆ كوشەسىنە دەيىن، ۇزىندىعى 2،77 كم؛
5. گوگولدان اۋەزوۆ كوشەسىنەن جەلتوقسان كوشەسىنە دەيىن، ۇزىندىعى 3،05 كم؛
6. اۋەزوۆتەن تيميريازيەۆ كوشەسىنەن گوگول كوشەسىنە دەيىن، ۇزىندىعى 3،44 كم؛
7. روزىباكييەۆتەن، ال-فارابيدەن تولە بي كوشەسىنە دەيىن، ۇزىندىعى 6،35 كم.