الماتى اكىمى ەربولات دوسايەۆ مەملەكەت باسشىسىنىڭ قاتىسۋىمەن وتكەن مەگاپوليستى دامىتۋ جونىندەگى كەڭەستە قالانىڭ بالاباقشالارى مەن مەكتەپتەرىندە كەزەكتى تومەندەتۋ بويىنشا قانداي شارالاردىڭ قابىلدانىپ جاتقانىن ايتتى، دەپ حابارلايدى Almaty-akshamy.kz.
«ءبىرىنشى كەزەكتە، مەكتەپكە دەيىنگى ءبىلىم بەرۋدەگى بۇل ماسەلەنىڭ شەشىمىن جەكە بيزنەستى تارتۋدان كورەمىز. بيىل 76 جەكەمەنشىك بالاباقشادا 5 330 ورىنعا تاپسىرىس ورنالاستىرىلۋدا. 2023 جىلدىڭ سوڭىنا دەيىن 860 ورىندىق 4 مەملەكەتتىك بالاباقشا اشۋ جوسپارلانعان. مەكتەپتەردەگى وقۋشى ورىندارىنىڭ تاپشىلىعى وزەكتى ماسەلە بولىپ قالا بەرەدى. سوندىقتان 2023 جىلدىڭ سوڭىنا دەيىن جەرگىلىكتى بيۋدجەت جانە جەكە ينۆەستيسيالار ەسەبىنەن 5 670 ورىندىق 11 مەكتەپ پەن قوسىمشا قۇرىلىس پايدالانۋعا بەرىلەدى»، - دەدى ەربولات دوسايەۆ.
بۇعان قوسا، اكىمدىك سايالى، زەردەلى ش/ا-دا 2024-2025 جىلدارى پايدالانۋعا بەرىلەتىن 1100 ورىندىق 2 مەملەكەتتىك مەكتەپ پەن 2 950 ورىندىق 8 قوسىمشا قۇرىلىستى جوبالاۋ مەن سالۋدى جالعاستىرىپ وتىر.
«قالا ءۇشىن «جايلى مەكتەپ» ۇلتتىق جوباسى ەرەكشە ماڭىزدى. «Samruk-Kazyna Construction» اق-مەن بىرلەسىپ، بۇگىندە مەكتەپ قۇرىلىسىنا ينفراقۇرىلىم دايىنداۋ اياقتالۋدا. بۇل ماقساتقا جەرگىلىكتى بيۋدجەتتەن 19 ملرد تەڭگە قاراستىرىلعان»، - دەدى الماتى اكىمى.
بۇعان دەيىن الماتى قالاسى اكىمدىگىنىڭ جوبالىق كەڭسەسىندە حابارلانعانداي، جاڭا فورماتتاعى مەكتەپتەردىڭ باسىم بولىگى الاتاۋ جانە ناۋرىزباي اۋداندارىندا 5 مەكتەپتەن سالىنادى. بوستاندىق اۋدانىندا 4 مەكتەپ، تۇركسىب اۋدانىندا 3، اۋەزوۆ اۋدانىندا 2 مەكتەپ، ال قالعان اۋدانداردا ءبىر مەكتەپتەن سالۋ كوزدەلگەن. مەكتەپتەر تاپشىلىق قاتتى بايقالاتىن جەرلەردە بوي كوتەرەدى.
ءارى الماتىدا 2024-2025 جىلدارى 1440 ورىندىق 2 مەملەكەتتىك كوللەدج قۇرىلىسى ءجۇرىپ جاتىر، ال بيىل ماۋسىم ايىندا ناۋرىزباي اۋدانىندا بالالارعا ارنالعان يننوۆاسيالىق شىعارماشىلىق ورتالىعى اشىلدى. بيىل 25 تامىزعا دەيىن الاتاۋ اۋدانىندا وسىنداي ورتالىق اشىلادى.
سونىمەن قاتار، بيىل 1 قىركۇيەكتەن باستاپ العاش رەت 30 مەكتەپتە «مەكتەپ اۆتوبۋسى» جوباسى ىسكە اسىرىلىپ، 100 اۆتوبۋس ساتىپ الىندى. 2023 جىلى 7،7 مىڭنان استام بالا قامتىلادى.