پەكينگە باراتىن سپورتشىلار ەسىمى جاريالاندى
وڭىرلىك كوممۋنيكاسيالار قىزمەتىنىڭ بريفينگىندە الماتى قالالىق سپورت باسقارماسىنىڭ باسشىسى رۇستەم بايسەيىتوۆ ليسەنزيا العان سپورتشىلاردىڭ ەسىمىن جاريالادى، دەپ حابارلايدى Almaty-akshamy.kz.
ر. بايسەيىتوۆ الماتى قالاسىنىڭ شتاتتى كومانداسىندا 117 سپورتشى بار ەكەنىن ايتتى.
«بۇگىندە الماتى قالاسىنىڭ قۇراما كوماندالارى – كۇردەلى رەسپۋبليكالىق جارىستاردىڭ، قازاقستان حالىقتارىنىڭ سپارتاكياداسىنىڭ، 2021 جىلعى جازعى جاسوسپىرىمدەر ويىندارىنىڭ جاسوسپىرىمدەر اراسىنداعى قىسقى ويىندارىنىڭ چەمپيونى»، - دەدى سپورت باسقارماسىنىڭ باسشىسى.
ر. بايسەيىتوۆ پەكيندە وتەتىن XXIV قىسقى وليمپيادا ويىندارىنا دايىندىق قىزۋ ءجۇرىپ جاتقانىن باسا ايتتى.
«الماتىلىق سپورتشىلار سكانديناۆيالىق كومبيناسيا مەن فريستايل اكروباتيكادان 5 ليسەنزيانى جەڭىپ الدى. بۇل تىزىمگە شىڭعىس راكپاروۆ، جانبوتا الدابەرگەنوۆا، اقمارجان قالمۋرزايەۆا كىرەدى. تاعى 8 ليسەنزيا كونكيمەن جۇگىرۋ، شاڭعى ءترامپلينى، ايەلدەر حوككەيى، مانەرلەپ سىرعاناۋ جانە تاۋ شاڭعىسى بويىنشا جوسپارلانعان»، - دەدى ر. بايسەيىتوۆ.