وسىلايشا، جەرگىلىكتى اتقارۋشى ورگاندار Jasyl Almaty-نىڭ 1 ميلليون اعاش وتىرعىزۋ اكسياسىن اياقتايدى. الماتى وڭىرلىك كوممۋنيكاسيالار قىزمەتىندە وتكەن بريفينگ بارىسىندا جاسىل ەكونوميكا باسقارماسى باسشىسىنىڭ مىندەتىن اتقارۋشى سەرىك ادىلبايەۆ بۇگىندە مەگاپوليستە 705 مىڭ كوشەت وتىرعىزىلعانىن اتاپ ءوتتى، دەپ حابارلايدى اlmaty-akshamy.kz.
ەسكە سالساق، قازاقستان پرەزيدەنتى قاسىم-جومارت توقايەۆ ءوز جولداۋىندا ەلدى كوگالداندىرۋدىڭ اۋقىمدى باعدارلاماسىن باستاۋدى تاپسىرعان بولاتىن.
"بيىل بىزدە 350 مىڭ جاسىل جەلەك وتىرعىزۋ جوسپارى بار، ونىڭ ىشىندە 72 346 كوشەت وتىرعىزىلدى. جالپى، وسى ەكپەلەر ەسەبىنەن 1 ميلليون اعاش وتىرعىزۋ ارقىلى Jasyl Almaty اكسياسىن اياقتاۋدى جوسپارلاپ وتىرمىز"، - دەدى الماتى قالاسى جاسىل ەكونوميكا باسقارماسى باسشىسىنىڭ مىندەتىن اتقارۋشى س. ادىلبايەۆ.
سپيكەر الماتىنىڭ جاسىل ەكونوميكا باسقارماسىنىڭ الدىندا قالالىق ەكوجۇيەنى بىرىكتىرەتىن جانە بيوارتۇرلىلىكتى قولدايتىن قالانىڭ "جاسىل جەلىسىن" قۇرۋ بويىنشا ماڭىزدى مىندەت تۇرعانىن اتاپ ءوتتى. سوندىقتان اعاش وتىرعىزۋ 2022 جىلدىڭ كۇزىندە جالعاسادى. تاعى 277 654 جاس كوشەت وتىرعىزۋ جوسپارلانۋدا.
الماتى قالاسى جاسىل ەكونوميكا باسقارماسى باسشىسىنىڭ مىندەتىن اتقارۋشى ماگيسترالدى جولدار، جولايرىقتار، تەمىرجولدار بويىندا، كوپ پاتەرلى تۇرعىن ءۇي كەشەندەرىنىڭ اۋماقتارىندا، وزەن جاعالاۋلارىندا، ساياباق جانە سانيتارلىق-قورعاۋ ايماقتارىندا اعاش وتىرعىزىلاتىنىن حابارلادى.
"اعاش وتىرعىزۋ كەزىندە دەندرولوگ عالىمداردىڭ ۇسىنىمدارى ەسكەرىلدى، ولار كادىمگى قاراعاي، قازاقستاندىق تەرەك، ۇساق جاپىراقتى قاراعاي، قايىڭ، شاعان، جالعان اكاسيا، ءسۇيىر جاپىراقتى ۇيەڭكى، كاشتان، روبينيا، جالعان اكاسيا، كوپىرشىك، دولانا، الما، ورىك وتىرعىزۋدى ۇسىنادى"، - دەپ اتاپ ءوتتى س. ادىلبايەۆ.
سپيكەردىڭ ايتۋىنشا، قالادا الماتى تۇرعىندارىنا كوشەتتەردى تەگىن تاراتۋ بويىنشا "جاسىل اۋلا" اكسياسى جالعاسادى. كۇزدە مەگاپوليس تۇرعىندارىنا 2 مىڭعا جۋىق كوشەت تاراتۋ جوسپارلانۋدا.
سونداي-اق، س. ادىلبايەۆ الماتىنى گۇل كومپوزيسيالارىمەن جانە گۇلزارلارمەن بەزەندىرۋ جۇمىستارى تۋرالى دا ايتىپ بەردى.
"ءبىرجىلدىق جانە كوپجىلدىق گۇلزارلاردى وتىرعىزۋ 2023 جىلعا دەيىن جالعاسادى. جالپى سوماسى 2،1 ملرد تەڭگەگە مەردىگەرلىك ۇيىمدارمەن 10 شارت جاسالدى. گۇل وتىرعىزۋ ءساۋىر ايىندا باستالدى، ويتكەنى بۇل كەزەڭ ەڭ قولايلى. ساندىك-گۇلمەن كوگالداندىرۋدىڭ جالپى كولەمى شامامەن 159 مىڭ شارشى مەتردى قۇرايدى"، - دەدى سپيكەر.
بۇدان باسقا، وتكەن جىلداردىڭ كوپجىلدىق وسىمدىكتەرىنە كۇتىم جاساۋ، سونداي-اق 26 مىڭ شارشى مەتر الاڭعا كوگال ەگۋ جوسپارلانعان.
الماتىدا كولامبۋس، اببا، ديناستي، سترونگ گولد، لاليبەللا، لياپ توپ جانە ت.ب. گۇلدەردى وتىرعىزۋ 10 مامىرعا دەيىن مەگاپوليستىڭ سەگىز اۋدانىندا جالعاسادى.