الماتىلىقتارعا جاپىراقتاردى جاعۋعا تىيىم سالىنعانىن ەسكە سالدى

الماتىدا سەنبىلىكتەر جىلىنا ەكى رەت – كوكتەم مەن كۇزدە وتكىزىلەدى

وتكەن  سەنبىلىكتە الماتى تۇرعىندارى 10 تەكشە مەتردەن استام قوقىس جينادى. بۇل تۋرالى الماتى وڭىرلىك كوممۋنيكاسيالار قىزمەتىنىڭ بريفينگىندە جاسىل ەكونوميكا باسقارماسى باسشىسىنىڭ م.ا. سەرىك ادىلبايەۆ ايتىپ بەردى.

9 ساۋىردە الماتى قالاسىنىڭ تۇرعىندارى مەن كوممۋنالدىق قىزمەتتەرىنىڭ بىرلەسكەن كۇشىمەن 10 910 تەكشە مەتر قوقىس جينالىپ، شىعارىلدى. سونىمەن قاتار، 5 مىڭنان استام اعاش وتىرعىزىلدى.
 
سەرىك ادىلبايەۆ جالپىقالالىق سەنبىلىكتەر جىلىنا ەكى رەت – كوكتەم مەن كۇزدە وتكىزىلەتىنىن حابارلادى. كوشەلەردى، اۋلا اۋماقتارىن، جالپى پايدالانۋ ورىندارىن، ارىق جەلىلەرىن، بوس جەرلەر مەن جاسىل ايماقتاردى، سونداي-اق وزەن ارنالارى مەن جاعالاۋلارىن، سۋ ايدىندارىن سانيتارلىق تازارتۋ جۇرگىزىلەدى.

الماتىدا سەنبىلىككە بارلىعى 61 035 ادام شىقتى، 510 بىرلىك تەحنيكا جۇمىلدىرىلدى. «جاسىل اۋلا» اكسياسى اياسىندا تۇرعىندارعا 400 كوشەت وتىرعىزىلدى. قالا اۋماعىندا 5283 جاپىراقتى جانە قىلقان جاپىراقتى اعاشتار (قاراعاي، قايىڭ، شاعان، الما، ۇيەڭكى) وتىرعىزىلدى.
 
قالانىڭ جاسىل ەكونوميكا باسقارماسى باسشىسىنىڭ مىندەتىن اتقارۋشى الماتىلىقتاردان جينالعان قوقىستى، جاپىراقتاردى ورتەمەۋىن سۇرادى. وت جاعۋ ءورتتىڭ تارالۋىنا جانە مۇلىكتىڭ جويىلۋىنا اكەلۋى مۇمكىن. ونىڭ ۇستىنە، «الماتى قالاسىنىڭ جاسىل جەلەكتەرىن كۇتىپ ۇستاۋ جانە قورعاۋ ەرەجەلەرىنە» سايكەس بۇعان ۇزىلدى-كەسىلدى تىيىم سالىنادى.