الماتى قالالىق جوسپارلاۋ جانە ۋربانيستيكا باسقارماسى سامعاۋ شاعىن اۋدانىنداعى كوكوراي كوشەسى، 28/2 ءۇي مەكەنجايىنداعى زاڭسىز دەپ تانىلعان قويما اۋماقتارىنىڭ ءسۇرۋ جۇمىستارى تۋرالى ءمالىم ەتتى، دەپ حابارلايدى aqshamnews.kz.
بۇعان دەيىن باسقارما تاراپىنان «ريفتام» جشس-نە جوسپاردان تىس تەكسەرىس جۇرگىزىلىپ، نىساننىڭ باسىم بولىگىنە رۇقسات قۇجاتتارىنىڭ جوق ەكەنى انىقتالعان.
باسقارما الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا 2174 شارشى مەتر زاڭسىز سالىنعان نىساندى سۇرۋگە تالاپ ارىز بەرگەن. 2023 جىلدىڭ 8 جەلتوقسانىندا سوت تالاپتى قاناعاتتاندىردى، ال بيىل 4 ناۋرىزدا الماتى قالالىق سوتىنىڭ قاۋلىسىمەن شەشىم وزگەرىسسىز قالدىرىلدى.
ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن بۇگىن ءسۇرۋ جۇمىستارى باستالدى.
ەسكە سالساق، الماتى اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ تۋرالى تاپسىرماسى اياسىندا وتكەن جىلدىڭ باسىنان بەرى 48 زاڭسىز نىسان، ونىڭ ىشىندە «مەچتا»، KHAN، «الما گاردەن» تۇرعىن ءۇي كەشەندەرى جانە باسقا دا نىساندار تولىق نەمەسە جارتىلاي بۇزىلدى.