الماتىدا ءحاوت ساناتىنداعى وتباسىلاردىڭ 20 مىڭ وقۋشىسى «جاپپاي وقىتۋ» قورىنان كومەك الادى، دەپ حابارلايدى اlmaty-akshamy.kz
الماتىدا اعىمداعى جىلى «جاپپاي وقىتۋ» قورىنان بەرىلەتىن كومەك سوماسى مەكتەپ فورماسى مەن كەڭسە كەرەك-جاراقتارىن ساتىپ الۋ ءۇشىن ءبىر بالاعا 43 مىڭ تەڭگەنى قۇرايدى. «جاپپاي وقىتۋ» قورى جەرگىلىكتى بيۋدجەتتەن قارجىلاندىرىلادى. بيىل ماتەريالدىق كومەك الۋ قۇقىعىنا مىنا وتباسىلاردىڭ 20 مىڭعا جۋىق وقۋشى يە، ولار:
1) مەملەكەتتىك اتاۋلى الەۋمەتتىك كومەك الاتىندار؛
2) جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن تومەن مەملەكەتتىك ااك المايتىندار؛
3) جەتىم بالالار جانە اتا-اناسىنىڭ قامقورلىعىنسىز قالعان بالالار؛
4) توتەنشە جاعدايلاردىڭ سالدارىنان شۇعىل كومەكتى تالاپ ەتەتىن جاعدايلاردا؛
5) ءبىلىم بەرۋ ۇيىمىنىڭ القالى ورگانى ايقىندايتىن ءبىلىم الۋشىلار مەن تاربيەلەنۋشىلەردىڭ وزگە دە ساناتتارى.
العاشقى ەكى جاعدايدا اتا-انا نەمەسە زاڭدى وكىل eGov نەمەسە حالىقتى جۇمىسپەن قامتۋ ورتالىعى ارقىلى ءوتىنىش بەرۋى قاجەت. باسقا ءجاعدايلاردا-بىلىم بەرۋ ۇيىمىنا راستايتىن قۇجاتتاردى ۇسىنۋ كەرەك. تىزىمدەر وقۋ جىلىندا ءبىر-اق رەت جاسالادى.
جوعارىدا اتالعان ساناتتارعا كىرمەيتىن وقۋشىلار «مەكتەپكە جول – شەكاراسىز جاقسىلىق» رەسپۋبليكالىق اكسياسى اياسىندا دەمەۋشىلەر مەن مەسەناتتار ەسەبىنەن كومەك الا الادى. اكسيا بيىل 1 تامىزدا باستالىپ، 30 قىركۇيەكتە اياقتالادى.
بۇگىندە دەمەۋشىلەر مەكتەپ فورماسىنىڭ 4،5 مىڭنان استام جيىنتىعىن جانە مەكتەپ كەرەك-جاراقتارى بار مىڭداعان ريۋكزاكتار ساتىپ الدى. قازىرگى كەزدە اۋداندىق ءبىلىم بولىمدەرىندە كومەككە مۇقتاج ادامداردىڭ ءتىزىمى جاسالۋدا. «مەكتەپكە جول – شەكاراسىز جاقسىلىق» اكسياسى اياسىندا مەكتەپ فورماسى مەن كەڭسە كەرەك-جاراقتارىن الۋ ءۇشىن وقيتىن جەرى بويىنشا ءبىلىم بەرۋ ۇيىمىنا ءوتىنىش بەرۋ قاجەت.
دەمەۋشىلەر، مەسەناتتار جانە بالالارعا كومەك كورسەتۋگە نيەت بىلدىرگەن قالانىڭ بارلىق تۇرعىندارى اۋداندىق ءبىلىم بولىمدەرىنە ساعات 9.00-دەن 18.00-گە دەيىن كەلەسى نومىرلەر بويىنشا حابارلاسا الادى:
- الاتاۋ اۋدانى بويىنشا: 87006131198
- المالى اۋدانى بويىنشا: 87470448553
- اۋەزوۆ اۋدانى بويىنشا: 87025395397
- بوستاندىق اۋدانى بويىنشا: 87772806650
- جەتىسۋ اۋدانى بويىنشا: 87472940554
- مەدەۋ اۋدانى بويىنشا: 87759194000
- ناۋرىزباي اۋدانى بويىنشا: 87089359498
- تۇركسىب اۋدانى بويىنشا: 87479013814.