الماتىدا كوروناۆيرۋس جۇقتىرعان 656 ناۋقاس ەم قابىلداپ جاتىر
بۇل تۋرالى قالالىق قوعامدىق دەنساۋلىق باسقارماسىنان ءمالىم ەتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
18 قاراشا كۇنگى اقپارات بويىنشا، ءبىر تاۋلىكتە قالادا 123 ادام كوروناۆيرۋس جۇقتىرعان. مۇنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىمەن – 115، سيمپتومسىز – 8 ناۋقاس تىركەلدى. ەمدەلىپ شىققاندار سانى – 95، كەلىپ تۇسكەنى – 76.
«ينفەكسيالىق ستاسيونارلاردا 656 ادام بار (توسەك-ورىننىڭ جالپى سانى –1 774)، ونىڭ ىشىندە 19 بالا ەمدەلۋدە»، – دەپ ناقتىلادى قوعامدىق دەنساۋلىق باسقارماسىنىڭ باسپا ءسوز قىزمەتىنەن.
سونداي-اق، رەانيماسيا جانە قارقىندى تەراپيا بولىمىندە 82 ادام جاتىر. ال 20 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 45 ادام ەم قابىلداۋدى جالعاستىرۋدا.
High flow-دا 11 اپپارات جۇمىس ىستەيدى. مەديسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 1 151 پاسيەنت بار. ونىڭ ىشىندە 1 085 ناۋقاستا ىندەت بەلگىسى بار، ورتاشا اۋىر جاعدايداعى 66 ادامدا كوروناۆيرۋس بەلگىلەرى جوق.