قاراعاندى وبلىسىنا قاراستى 8 اۋدان مەن 5 قالادان كەلگەن كوماندالار ەكى كۇن بويى ب ا ق سىنايدى.
قاراعاندىدا تۇڭعىش پرەزيدەنت كۇنىنە جانە تاۋەلسىزدىكتىڭ 30 جىلدىعىنا وراي ەرلەر اراسىندا اسىق اتۋدان، ال ايەلدەر اراسىندا بەس اسىقتان وبلىس كۋبوگى باستالدى، دەپ حابارلايدى Almaty-akshamy.kz
العاشقى اينالىمدا سپورتشىلار بەس مەتر قاشىقتىقتان اسىق شيىرىپ، شەڭبەردەن شىعارۋعا تىرىستى. مەرگەندەرى وبلىس قۇراماسىنا الىنىپ، الداعى ناۋرىزدا وتەتىن رەسپۋبليكالىق جارىستا باعىن سىناماقشى. ايتا كەتۋ كەرەك، قاراعاندى كومانداسى جۋىردا پاۆلودار قالاسىندا وتكەن قازاقستان كۋبوگىندا باس جۇلدەنى جەڭىپ الىپ، ءۇش بىردەي ازامات سپورت شەبەرى اتانعان.
«بۇل ىرىكتەۋ جارىسى بولىپ انىقتالعان. اللا جازسا، كەلەسى جىلى، 2022 جىلى وتەتىن رەسپۋبليكالىق جارىسقا دايىندىق. وسى جارىستىڭ قورىتىندىسى بويىنشا ۇزدىك ويىنشىلاردى انىقتاپ، قاراعاندى وبلىسىنىڭ كومانداسىن جاساقتايمىز»،- دەدى جارىستىڭ باس تورەشىسى امانگەلدى نۇرمۇحانوۆ.