بۇل تۋرالى ول الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا مالىمدەدى.
مەديسينا عىلىمدارىنىڭ دوكتورى، اسفەندياروۆ اتىنداعى قازۇمۋ جۇقپالى جانە تروپيكالىق اۋرۋلار كافەدراسىنىڭ پروفەسسورى كۇلاش قۇرمانوۆا حالىقتى، ونىڭ ىشىندە جاسوسپىرىمدەردى كوروناۆيرۋسقا قارسى ۆاكسينالاۋدى جەدەلدەتۋ قاجەت دەپ سانايدى، دەپ حابارلايدى Almaty-akshamy.kz
⁃ SARS-CoV-2 جاڭا جۇقپالى شتامدارىنىڭ پايدا بولۋىنا بايلانىستى مۇمكىندىگىنشە كوپ قالا تۇرعىندارى، سونىڭ ىشىندە كامەلەتكە تولماعاندار ەگىلۋى كەرەك، - دەيدى پروفەسسور.
كۇلاش قۇرمانوۆا بالالاردى، جۇكتى جانە ەمىزۋلى ايەلدەردى ۆاكسيناسيالاۋعا قاتىستى دەرەكتەر جەتكىلىكتى جيناقتالعان دەپ سانايدى. سوندىقتان Pfizer كومپانياسىنىڭ «كوميرناتي» پرەپاراتىنىڭ قاۋىپسىزدىگىنە الاڭداۋعا نەمەسە كۇماندانۋعا نەگىز جوق.
سونىمەن قاتار، پروفەسسور قالانىڭ «جاسىل» ايماققا كوشكەننەن كەيىن دە، اسىرەسە، جرۆي-مەن سىرقاتتانۋشىلىقتىڭ ءوسۋى كەزەڭىندە قاۋىپسىزدىك شارالارىن ساقتاۋدى جالعاستىرۋ قاجەت ەكەنىن ەسكە سالدى.
كۇلاش قۇرمانوۆا كوروناۆيرۋستىق پاندەميا باسقارىلاتىن كەزدە اياقتالاتىنىنا سەنىمدى. بۇل تەك ۇجىمدىق ۆاكسيناسيا جانە كەيىنگى ريەۆاكسيناسيا كەزىندە مۇمكىن.
- ۆاكسيناسيانىڭ ءبىرىنشى كۋرسىنان كەيىن 6 نەمەسە 9 ايدان كەيىن ريەۆاكسيناسيادان ءوتۋ قاجەت. انتيدەنەلەر دەڭگەيى بىرتىندەپ تومەندەيدى، ال ۇدەتكىش ۆاكسينا ۇزاق ۋاقىت ساقتالاتىن جاسۋشالىق يممۋنيتەتتى قوسۋ ارقىلى ولاردىڭ ايقىن قالىپتاسۋىنا ىقپال ەتەدى، - دەپ كەڭەس بەردى پروفەسسور.
ول كوروناۆيرۋستىق پاندەميا ءالى دە جالعاسىپ جاتقانىن جانە ينفەكسيانىڭ جاڭا تولقىندارىنىڭ بولۋى مۇمكىن ەكەنىن ەسكە سالدى. سوندىقتان جاپپاي يممۋندانۋ قاجەت.